ഇസ്രായേലിൽ ആൾക്കൂട്ടത്തിലേക്ക് ട്രക്ക് ഇടിച്ചു കയറ്റി; 50 പേർക്ക് പരിക്ക്

ഇസ്രായേൽ തലസ്ഥാനമായ ടെൽ അവീവിന് വടക്ക് ഗ്ലിലോട്ടിൽ ആൾക്കൂട്ടത്തിലേക്ക് ട്രക്ക് ഇടിച്ചു കയറ്റി നടത്തിയ ആക്രമണത്തിൽ 50 പേർക്ക് പരിക്കേറ്റു.

ഒരു ബസ് സ്റ്റോപ്പിൽ നിന്നിരുന്ന വലിയ ആൾക്കൂട്ടത്തിലേക്ക് ഒരു ട്രക്ക് ഇടിച്ചുകയറുകയായിരുന്നു. സംഭവം ഭീകരാക്രമണമാണെന്ന് സംശയിക്കുന്നതായി പോലീസ് പറയുന്നു.

സംഭവസ്ഥലത്ത് മെഡിക്കൽ ഉദ്യോഗസ്ഥർ ഒന്നിലധികം ആളുകളെ ചികിത്സിക്കുന്നുണ്ടെന്നും, ട്രക്കിനടിയിൽ ചിലർ കുടുങ്ങിയതായും മാഗൻ ഡേവിഡ് അഡോം എമർജൻസി സർവീസ് റിപ്പോർട്ട് ചെയ്തു.

എംഡിഎയുടെ കണക്കനുസരിച്ച് 31 പേരെ ബെയ്‌ലിൻസൺ, ഇച്ചിലോവ് ആശുപത്രികളിലേക്ക് മാറ്റി, ഇതിൽ ആറ് പേരുടെ നില ഗുരുതരമാണ്

ട്രക്ക് ഡ്രൈവറെ വെടിവെച്ചു കൊന്നതായി റിപോർട്ടുണ്ട്. സമീപത്ത് വെടിയൊച്ച കേട്ടതായി ദൃസാക്ഷികൾ പറഞ്ഞതായി ഇസ്രായേൽ മാധ്യമങ്ങൾ റിപ്പോർട്ട് ചെയ്തു

അറേബ്യൻ മലയാളി വാട്സാപ് ഗ്രൂപിൽ നിങ്ങൾക്കും അംഗമാകാം👇
https://hostinfoarabia.com/arabian_malayali_whatsapp_group_ksa