ഇസ്രായേലിലെ വിവിധ നഗരങ്ങളിൽ ഹിസ്ബുള്ളയുടെ മിസൈൽ ആക്രമണം; ജനങ്ങൾ ബങ്കറുകളിലേക്കോടി, കനത്ത നാശനഷ്ടം (വീഡിയോ)
ഇസ്രായേലിലെ വിവിധ നഗരങ്ങളെ ലക്ഷ്യമാക്കി ഹിസ്ബുള്ള മിസൈൽ ആക്രമണം നടത്തിയതായി ഇസ്രായേൽ സൈന്യം അറിയിച്ചു.
ടെൽ അവീവ്, ഹൈഫ, നഹാരിയ എന്നിവയുൾപ്പെടെയുള്ള നഗരങ്ങളെ ലക്ഷ്യമിട്ടുകൊണ്ടായിരുന്നു മിസൈലുകളും, ഡ്രോണുകളും ഉപയോഗിച്ചുള്ള ആക്രമണം.
ടെൽ അവീവിലേക്ക് പത്തോളം മിസൈലുകൾ തൊടുത്തുവിട്ടതായി സൈന്യത്തെ ഉദ്ധരിച്ച് ഇസ്രായേൽ മാധ്യമങ്ങൾ റിപ്പോർട്ട് ചെയ്തു.
160 ഓളം റോക്കറ്റുകൾ ഉപയോഗിച്ചുള്ള ആക്രമണത്തിൽ ഒരു ബിൽഡിങ് തകരുകയും, നിരവധി വാഹനങ്ങൾ കത്തിനശിക്കുകയും ചെയ്തു.
ആക്രമണത്തിൽ നിരവധി പേർക്ക് പരിക്കേറ്റതായി സൈന്യം അറിയിച്ചു. ആക്രമണം തുടർന്നുകൊണ്ടിരിക്കുകയാണെന്നും ഇപ്പോഴും അപകട സൈറൺ മുഴങ്ങുന്നതായും റിപോർട്ടുണ്ട്.
ആക്രമണത്തിൻറെയും സൈറൺ മുഴങ്ങിയതോടെ ഇസ്രായേലികൾ കൂട്ടത്തോടെ ബങ്കറുകളിലേക്ക് ഓടുന്നതിൻറെയും ദൃശ്യങ്ങൾ സോഷ്യൽ മീഡിയയിൽ പ്രചരിച്ചു.
.
അറേബ്യൻ മലയാളി വാട്സാപ് ഗ്രൂപിൽ നിങ്ങൾക്കും അംഗമാകാം👇
https://hostinfoarabia.com/arabian_malayali_whatsapp_group_ksa