സൗദി അറേബ്യയുടെ വടക്ക് ഭാഗങ്ങളിൽ താപനില കുറയുന്നു; വാഹനമോടിക്കുന്നവർ ഈ കാര്യങ്ങൾ ശ്രദ്ധിക്കുക

ഈ ആഴ്ച അവസാനത്തോടെ സൗദി അറേബ്യയിലെ തബൂക്ക്, അൽ-ജൗഫ്, ഹായിൽ, വടക്കൻ അതിർത്തികൾ എന്നിവിടങ്ങളിൽ 0 മുതൽ 4 ഡിഗ്രി സെൽഷ്യസ് വരെ താപനിലയ്ക്ക് സാക്ഷ്യം വഹിക്കുമെന്ന് പ്രവചനങ്ങൾ സൂചിപ്പിക്കുന്നു.

ജനുവരി വർഷത്തിലെ ഏറ്റവും തണുപ്പുള്ള മാസങ്ങളിൽ ഒന്നായിരിക്കും എന്നതിനാൽ, വടക്കൻ പ്രദേശങ്ങളിലെ താമസക്കാർക്ക് ഈ കഠിനമായ സാഹചര്യങ്ങളിൽ അവരുടെ വാഹനങ്ങൾ കൈകാര്യം ചെയ്യുന്നതുമായി ബന്ധപ്പെട്ട് ഒന്നിലധികം വെല്ലുവിളികൾ നേരിടേണ്ടിവരും.

വിദഗ്ദർ പറയുന്നതനുസരിച്ച്, വളരെ തണുപ്പുള്ള പ്രദേശങ്ങളിലെ താമസക്കാർ കാർ സ്റ്റാർട്ട് ചെയ്യുന്നതിൽ നേരിടുന്ന ബുദ്ധിമുട്ട് ഒഴിവാക്കാൻ ശൈത്യ തരംഗത്തിലേക്ക് കടക്കുന്നതിന് മുമ്പ് ബാറ്ററി പരിശോധിച്ച് ഗുണമേന്മ ഉറപ്പുവരുത്തണം.

കൂടാതെ, ഈ കാലയളവിൽ ഉചിതമായ എഞ്ചിൻ ഓയിൽ തിരഞ്ഞെടുക്കുന്നത് നിർണായകമാണ്, തണുത്ത സാഹചര്യങ്ങളിൽ എഞ്ചിൻ പ്രകടനം മെച്ചപ്പെടുത്തുന്നതിന് കുറഞ്ഞ വിസ്കോസിറ്റി ഉള്ള ഓയിൽ ഉപയോഗിക്കുന്നതാണ് നല്ലത്.

ഡ്രൈവ് ചെയ്യുന്നതിന് മുൻപായി കാർ സ്റ്റാർട്ട് ചെയ്തതിന് ശേഷം കാർ എഞ്ചിൻ കുറച്ച് സമയം പ്രവർത്തിപ്പിക്കാനും വിദഗ്ദർ ശുപാർശ ചെയ്യുന്നു.

എഞ്ചിൻ ഓയിൽ, കൂളൻ്റ്, ബ്രേക്ക് ഫ്ലൂയിഡ് എന്നിങ്ങനെയുള്ള കാറിൻ്റെ ഫ്ളൂയിഡ് ലെവലുകൾ പരിശോധിക്കേണ്ടതും പഴയ ഫ്‌ളൂയിഡുകൾ മാറ്റേണ്ടതും ആവശ്യമാണ്.

മഞ്ഞുവീഴ്ച പ്രതീക്ഷിക്കുന്ന സ്ഥലങ്ങളിൽ, വാഹനം തെന്നിപ്പോവുന്നത് തടയാൻ ഡ്രൈവർമാർ കാറിൻ്റെ ടയറുകളുടെയും ബ്രേക്കിംഗ് സിസ്റ്റത്തിൻ്റെയും അവസ്ഥ പരിശോധിക്കണം.

ഏതെങ്കിലും കാരണത്താൽ കാർ തകരാറിലായാൽ ഉപയോഗിക്കുന്നതിന് ഒന്നോ അതിലധികമോ ബ്ലാങ്കറ്റുകൾ കാറിൽ വയ്ക്കാനും വിദഗ്ദർ നിർദ്ദേശിക്കുന്നു.

അറേബ്യൻ മലയാളി വാട്സാപ് ഗ്രൂപിൽ നിങ്ങൾക്കും അംഗമാകാം👇
https://hostinfoarabia.com/arabian_malayali_whatsapp_group_ksa