റിയാദിൽ മലയാളി ഹൃദയാഘാതം മൂലം മരിച്ചു

റിയാദ്: പാലക്കാട് സ്വദേശി റിയാദിൽ ഹൃദയാഘാതത്തെത്തുടർന്ന് മരിച്ചു. ചെർപ്പുളശ്ശേരി കാവുവട്ടം മലമേൽത്തൊടി പരേതനായ കുന്നത്തുപറമ്പിൽ മുഹമ്മദി​ന്റെ മകൻ യൂസുഫ് (56) ആണ്  മരിച്ചത്.

നെഞ്ചുവേദനയുണ്ടായതിനെത്തുടർന്ന്​  ആശുപത്രിയിൽ പ്രവേശിപ്പിച്ചെങ്കിലും മരണം സംഭവിക്കുകയായിരുന്നു.

കഴിഞ്ഞ 30 വർഷമായി  റിയാദിൽ ഉള്ള യൂസുഫ് ഒരു സ്ഥാപനത്തിൽ കുക്ക് ആയി​ ജോലി ചെയ്യുകയായിരുന്നു.

മൂന്ന്​ വർഷം മുമ്പാണ് അവസാനം നാട്ടിൽ പോയി റിയാദിൽ തിരികെയെത്തിയത്​. മാതാവ്: വല്ലപ്പുഴ ശങ്കരത്തൊടി ഖദീജ, ഭാര്യ: മുണ്ടക്കോട്ടുകുർശി പുളിക്കൽ മൈമൂന, മക്കൾ: മുഹമ്മദ് ജാഫർ, ജംഷീറ, ജസീറ. മരുമക്കൾ: കുളങ്ങര റജുല, മച്ചുപറമ്പിൻ നൗഷാദ്, കാണിത്തൊടി ആഷിഖ്. മയ്യിത്ത് നാട്ടിൽ കൊണ്ടുപോകുന്നതിനുള്ള ശ്രമങ്ങൾ പുരോഗമിക്കുന്നു.

അറേബ്യൻ മലയാളി വാട്സാപ് ഗ്രൂപിൽ നിങ്ങൾക്കും അംഗമാകാം👇
https://hostinfoarabia.com/arabian_malayali_whatsapp_group_ksa