സൗദിയിൽ മലയാളി യുവാവ് വാഹനാപകടത്തിൽ മരിച്ചു

റിയാദ്: റിയാദ് പ്രാവിശ്യയിലെ അൽ ഗാത്വ്- മിദ്നബ് റോഡിലുണ്ടായ വാഹനാപകടത്തിൽ മലയാളി യുവാവ് മരിച്ചു. കോഴിക്കോട് സിവിൽ സ്​റ്റേഷൻ, കാരപ്പറമ്പ് സ്വദേശി ലൈഫ്​ സ്​റ്റൈൽ അപ്പാർട്ട്മെൻറ്​ സെവൻ ബി-യിലെ റഈസ് (32)ആണ് മരിച്ചത്.

റഈസ് സഞ്ചരിച്ച കാറും എതിരെ വന്ന മിനി ട്രക്കും കൂട്ടിയിടിക്കുകയായിരുന്നു. അപകടത്തിൽ കാർ പൂർണമായും തകർന്നു. റഈസ് സംഭവസ്ഥലത്ത് വെച്ച് തന്നെ മരിച്ചു. റഈസിന്റെ കൂടെ യാത്ര ചെയ്യുകയായിരുന്ന ഭാര്യ നിദ സഫർ നിസാര പരിക്കുകളോടെ  രക്ഷപ്പെട്ടു.

റിയാദിൽ ഒരു​ കമ്പനിയിൽ ഐടി ടെക്നീഷ്യനാണ്​ റഈസ്. മിദ്നബിലെ ജോലി സ്ഥലത്തേക്ക് പോകുന്ന വഴിയിലാണ് അപകടം സംഭവിച്ചത്.

ദമ്മാമിൽ മുൻ പ്രവാസിയായ എറമാക്കി വീട് അബ്​ദുറഹ്​മാൻ ബറാമിയുടെയും കാതിരിയകം രഹനയുടെയും മകനാണ് റഈസ്​. മയ്യിത്ത് സൗദിയിൽ ഖബറടക്കുന്നതിനുവേണ്ടിയുള്ള നിയമനടപടികൾ പൂർത്തിയാക്കാൻ റിയാദ് കെ.എം.സി.സി മലപ്പുറം ജില്ല വെൽഫെയർ വിങ്ങും അൽ ഗാത്ത്‌ കെ.എം.സി.സിയും രംഗത്തുണ്ട്.

അറേബ്യൻ മലയാളി വാട്സാപ് ഗ്രൂപിൽ നിങ്ങൾക്കും അംഗമാകാം👇
https://hostinfoarabia.com/arabian_malayali_whatsapp_group_ksa