ഇസ്രായേൽ കുടിയേറ്റക്കാർക്കെതിരെ യൂറോപ്യൻ യൂണിയന്റെ പുതിയ ഉപരോധം

വെസ്റ്റ് ബാങ്കിൽ അക്രമ സംഭവങ്ങളിൽ ഏർപ്പെടുന്ന ഇസ്രായേൽ കുടിയേറ്റക്കാർക്കെതിരെ പുതിയ ഉപരോധങ്ങൾ ഏർപ്പെടുത്തുമെന്ന് യൂറോപ്യൻ യൂണിയൻ (EU).

യൂറോപ്യൻ വിദേശകാര്യ മന്ത്രിമാരുടെ യോഗത്തിന് മുന്നോടിയായി യൂറോപ്യൻ യൂണിയൻ വിദേശകാര്യ-സുരക്ഷാ നയങ്ങൾക്കായുള്ള ഹൈ റെപ്രസന്റേറ്റീവ് കായ കല്ലാസ് ആണ് ഇക്കാര്യം അറിയിച്ചത്.

കുടിയേറ്റക്കാർക്കെതിരെ ഏർപ്പെടുത്തുന്ന ഉപരോധങ്ങളുടെ മൂന്നാം ഘട്ടമാണിതെന്ന് കായ കല്ലാസ് വ്യക്തമാക്കി. കഴിഞ്ഞ സെപ്റ്റംബറിലാണ് ഇത്തരമൊരു നടപടി ആദ്യമായി അവതരിപ്പിക്കപ്പെട്ടത്.

വെസ്റ്റ് ബാങ്കിലെ സംഘർഷങ്ങൾ കുറയ്ക്കാനും അക്രമം നടത്തുന്നവർക്ക് കടുത്ത മുന്നറിയിപ്പ് നൽകാനുമാണ് ഇതിലൂടെ ലക്ഷ്യമിടുന്നത്.

അതേസമയം, നിലവിൽ ഇതിനപ്പുറമുള്ള കൂടുതൽ കർശനമായ നടപടികൾ സ്വീകരിക്കാൻ യൂറോപ്യൻ യൂണിയന് സാധിച്ചിട്ടില്ല. ഇസ്രായേലിനെതിരായ വിശാലമായ നടപടികൾക്ക് ഇപ്പോഴും കൂട്ടായ്മയ്ക്കുള്ളിൽ പിന്തുണയില്ലെന്ന് കല്ലാസ് സമ്മതിച്ചു.

അംഗരാജ്യങ്ങൾക്കിടയിൽ ഇക്കാര്യത്തിൽ പൂർണ്ണമായ യോജിപ്പില്ലാത്തതും ആവശ്യമായ ഭൂരിപക്ഷം ലഭിക്കാത്തതുമാണ് കൂടുതൽ കർശനമായ തീരുമാനങ്ങൾ വൈകാൻ കാരണമെന്നും കായ കല്ലാസ് കൂട്ടിച്ചേർത്തു.

അറേബ്യൻ മലയാളി വാട്സാപ് ഗ്രൂപിൽ നിങ്ങൾക്കും അംഗമാകാം👇
https://hostinfoarabia.com/arabian_malayali_whatsapp_group_ksa