ഹാരി കെയ്ൻ ബാലൺ ഡി ഓർ ജേതാവ്
ഇംഗ്ലീഷ് താരം ഹാരി കെയ്ൻ ബാലൺ ഡി ഓർ 2026 ജേതാവ്.ഇംഗ്ലണ്ടിന്റെ 25 വർഷത്തെ ബാലൺ ഡി ഓർ ജേതാവിനായുള്ള കാത്തിരിപ്പിന് വിരാമമിട്ടാണ് ഹാരി കെയ്ൻ, കൈലിയൻ എംബാപ്പെയെയും ലാമിൻ യമലിനെയും മറികടന്ന് ഫുട്ബോളിലെ ഏറ്റവും അഭിമാനകരമായ വ്യക്തിഗത ബഹുമതി സ്വന്തമാക്കിയത്. മൈക്കൽ ഓവനുശേഷം ഈ അവാർഡ് നേടുന്ന ആദ്യ ഇംഗ്ലീഷുകാരനായി ബയേൺ മ്യൂണിക്ക് സ്‌ട്രൈക്കർ മാറി.
33 കാരനായ ബയേൺ മ്യൂണിക്ക് സ്‌ട്രൈക്കർ , 2025-26 കാമ്പെയ്‌നിൽ ക്ലബ്ബിനും രാജ്യത്തിനുമായി 65 മത്സരങ്ങളിൽ നിന്ന് 73 ഗോളുകൾ നേടി. യൂറോപ്പിലെ ആഭ്യന്തര ലീഗുകളിലുടനീളം ഏറ്റവും കൂടുതൽ ഗോൾ നേടിയ കളിക്കാരനായി ഫിനിഷ് ചെയ്തതിന് ശേഷം അദ്ദേഹം യൂറോപ്യൻ ഗോൾഡൻ ഷൂവും നേടി.
ഇതോടെ, സർ സ്റ്റാൻലി മാത്യൂസ്, സർ ബോബി ചാൾട്ടൺ, കെവിൻ കീഗൻ, ഓവൻ എന്നിവർക്കൊപ്പം ബാലൺ ഡി ഓർ നേടുന്ന അഞ്ചാമത്തെ ഇംഗ്ലീഷുകാരനായി കെയ്ൻ മാറിയിരിക്കുകയാണ്.
അറേബ്യൻ മലയാളി വാട്സാപ് ഗ്രൂപിൽ നിങ്ങൾക്കും അംഗമാകാം👇
Arabian Malayali WhatsApp Group
