ഷാരൂഖ് ഖാനും ജാക്കി ചാനും വാൻഡമും തുടങ്ങി സൂപ്പർ സ്റ്റാറുകൾ റിയാദിൽ; വിനോദ ടൂറിസം മേഖലയിൽ സൗദി കുതിക്കുന്നു

ആഗോള തലത്തിലെ തന്നെ ഏറ്റവും ശ്രദ്ധേയമായ ടുറിസം ഹബ്ബാകാനുള്ള സൗദിയുടെ പരിശ്രമങ്ങൾക്ക് ഫലം കാണുന്നു. ലോകത്തിന്റെ ശ്രദ്ധ തന്നെ തങ്ങളിലേക്ക് തിരിക്കാനുള്ള എല്ലാ ശ്രമങ്ങളും അധികൃതർ ഒരുക്കിയിരിക്കുകയാണ്.

കഴിഞ്ഞ ദിവസം റിയാദിൽ നടന്ന ജോയ് ഫോറം 19 ഇതിന് പ്രകടോദാഹരണമാണ്. ബോളിവുഡ് താരം ഷാരൂഖ് ഖാനും പ്രമുഖ ഹോളിവുഡ് താരങ്ങളായ ജാക്കി ചാനും വാന്ഡമും അക്വമാനും എല്ലാം ഒരു വേദിയിൽ പ്രത്യക്ഷപ്പെട്ടത് സൗദി എന്റർടെയ്ൻമെന്റ് അതോറിറ്റിയുടെ വൻ വിജയമായാണു വിലയിരുത്തപ്പെടുന്നത്.

സൗദിയുടെ പുതിയ ടുറിസം പോളിസിയുടെ ഭാഗമായി സൗദിയെ എൻ്റർടെയ്ന്മെൻ്റിൻ്റെ പ്രധാന ഹബ് ആക്കാനുള്ള ഭാഗമായായിരുന്നു സൂപർ സ്റ്റാറുകളെ തലസ്ഥാന നഗരിയിൽ അധികൃതർ എത്തിച്ചത്.

തൻ്റെ ഇഷ്ട ഹീറോസിനെ കണ്ടു മുട്ടിയ ഷാറൂഖ് ഖാൻ ആ സന്തോഷം തൻ്റെ ട്വിറ്റർ അക്കൗണ്ടിൽ പങ്ക് വെച്ചിരുന്നു.

വാൻഡമിനെയും ജാക്കി ചാനെയും പ്രത്യേകം പരാമർശിച്ച് കൊണ്ട് അവരോടൊത്ത് ചേരാനായതിൽ സന്തോഷം പങ്ക് വെച്ച് ഷാരൂഖ് ഖാൻ ട്വീറ്റ് ചെയ്ത ചിത്രം സോഷ്യൽ മീഡിയയിൽ വൈറലായി മാറിയിട്ടുണ്ട്.

ജോയ് ഫോറം 2019 അവാർഡ് നൈറ്റിൽ ഇൻ്റർനാഷണൽ സെലബ്രിറ്റി അവാർഡ് ഷാരൂഖ് ഖാനു ലഭിക്കുകയും ചെയ്തിരുന്നു.

400 സ്പോൺസർമാരുമായി മുന്നേറുന്ന റിയാദ് സീസൺ ആധുനിക സൗദി അറേബ്യൻ ചരിത്രത്തിൽ തന്നെ വലിയ മാറ്റങ്ങൾക്ക് തുടക്കം കുറിക്കുന്ന ഫെസ്റ്റിവലായി മാറും. പതിനായിരങ്ങളാണു സന്ദർശകരായി എത്തിക്കൊണ്ടിരിക്കുന്നത്.

റിയാദ് സീസൺ ഫെസ്റ്റിൽ ഏറ്റവും അത്യാകർഷകമായ നിരവധി പരിപാടികളാണു സന്ദർശകർക്കായി അധികൃതർ ഒരുക്കിയിട്ടുള്ളത്. വരും നാളുകൾ സൗദി അറേബ്യയിലേക്ക് വിദേശ ടൂറിസ്റ്റുകളുടെ വൻ ഒഴുക്കായിരിക്കുമെന്നത് തീർച്ചയാണ്.

അറേബ്യൻ മലയാളി വാട്സാപ് ഗ്രൂപിൽ നിങ്ങൾക്കും അംഗമാകാം👇
https://hostinfoarabia.com/arabian_malayali_whatsapp_group_ksa