സൗദി എയർലൈൻസ് ജൂണിൽ സർവീസുകൾ പുനരാരംഭിക്കുമെന്ന വാർത്തയോട് ബന്ധപ്പെട്ടവർ പ്രതികരിച്ചു

ജിദ്ദ: ഈ വർഷം ജൂണിൽ സൗദി എയർലൈൻസിൻ്റെ സർവീസുകൾ പുനരാരംഭിക്കുമെന്ന വാർത്തയോട് സൗദി എയർലൈൻസ് അധികൃതർ പ്രതികരിച്ചു.

സർവീസുകൾ പുനരാരംഭിക്കുകയാണെങ്കിൽ പ്രസ്തുത വാർത്ത ഔദ്യോഗിക മാധ്യമങ്ങളിലൂടെയോ സൗദിയയുടെ സോഷ്യൽ മീഡിയ അക്കൗണ്ടുകളിലൂടെയോ പുറത്ത് വിടുമെന്നാണു സൗദി എയർലൈൻസ് അധികൃതർ അറിയിച്ചത്.

വിമാന സർവീസ് ജൂണിൽ പുനരാരംഭിക്കുമെന്ന വാർത്ത കണ്ട് നിരവധിയാളുകൾ സൗദി എയർലൈൻസുമായി ബന്ധപ്പെട്ട് അന്വേഷണം നടത്തിയതിനെത്തുടർന്നാണു സൗദിയ ഈ മറുപടി നൽകിയത്.

സൗദി എയർലൈൻസ് സർവീസുകൾ പുനരാരംഭിച്ചേക്കുമെന്നും നഷ്ടം നികത്തുന്നതിനായി തുടക്കത്തിൽ വിമാന ചാർജ്ജുകളിൽ വർധനവ് ഉണ്ടായേക്കാമെന്നുമുള്ള വാർത്തകൾ കഴിഞ്ഞ ദിവസം പ്രചരിച്ചിരുന്നു.

നിലവിൽ സൗദി എയർലൈൻസിൻ്റെ വിമാനങ്ങൾ ഔദ സർവീസ് വഴി രെജിസ്റ്റർ ചെയ്ത് നാട്ടിലേക്ക് മടങ്ങുന്ന വിദേശികളുമായി ഒരു ഭാഗത്തേക്ക് മാത്രം സ്പെഷ്യൽ സർവീസുകൾ നടത്തുന്നുണ്ട്.

അറേബ്യൻ മലയാളി വാട്സാപ് ഗ്രൂപിൽ നിങ്ങൾക്കും അംഗമാകാം👇
https://hostinfoarabia.com/arabian_malayali_whatsapp_group_ksa