ഇത് തുടക്കം മാത്രം; രണ്ട് സൂപ്പർ താരങ്ങളെക്കൂടി സൗദിയിലെത്തിക്കാൻ അൽ നസ്ർ ശ്രമം

ക്രിസ്റ്റ്യാനോ റൊണാൾഡോയെ റിയാദികെത്തിച്ചതോടെ ലോക ഫുട്ബോളിൽ  ശ്രദ്ധിക്കപ്പെട്ട നാമമായി ഉയർന്ന റിയാദിലെ അൽ നസ്ർ ക്ലബിന്റെ വല വീശലിൽ കൂടുതൽ താരങ്ങൾ ഉൾപ്പെടുമെന്ന് റിപ്പോർട്ട്.

പിഎസ്ജിയിലെ സെർജിയോ റാമോസിനെയും റിയൽ മഡ്രിഡിലെ ലൂക്കാ മോഡ്രിച്ചിനെയും കൂടി റിയാദിലെത്തിക്കാൻ അൽ നസ്ർ ശ്രമിക്കുന്നുണ്ടെന്നാണ് റിപ്പോർട്ടുകൾ വ്യക്തമാക്കുന്നത്.

മാഡ്രിഡിൽ മികച്ച ഫോമിലാണെങ്കിലും മോഡ്രിച്ചിനു ഒരു വിരമിക്കലിനു കളം ഒരുങ്ങുന്നുണ്ടെന്നാണ് സൂചനകൾ. റാമോസിന്റെ കാര്യത്തിലും ആ സാധ്യത നില നിൽക്കുന്നുണ്ട്.

ഏതായാലും പ്രമുഖ അന്താരാഷ്ട്ര താരങ്ങളെ റിയാദിലേക്കെത്തിച്ച് സൗദി ഫുട്ബോളിൽ വൻ വിപ്ലവം സൃഷ്ടിക്കാൻ തന്നെയാണ് അൽ നസ്ർ ക്ലബിന്റെ ശ്രമം.

കഴിഞ്ഞ ദിവസം രാത്രി റിയാദിലെത്തിയ റോണാൾഡോക്കും കുടുംബത്തിനും ഊഷ്മള സ്വീകരണമായിരുന്നു ലഭിച്ചത്.

റിയാദ് തെരുവുകളിൽ റൊണാൾഡോക്ക് സ്വാഗതം ചെയ്ത് കൊണ്ട് കൂറ്റൻ ബിൽബോർഡുകളാണ്  സ്ഥാപിച്ചിട്ടുള്ളത്.

അൽ മർസൂൽ പാർക്കിൽ ഇന്ന് ഒരുക്കുന്ന വൻ സ്വീകരണ പരിപാടിയിൽ പതിനായിരങ്ങൾ സംഗമിക്കും.

അറേബ്യൻ മലയാളി വാട്സാപ് ഗ്രൂപിൽ നിങ്ങൾക്കും അംഗമാകാം👇
https://hostinfoarabia.com/arabian_malayali_whatsapp_group_ksa

അറേബ്യൻ മലയാളി വാട്സാപ് ഗ്രൂപിൽ നിങ്ങൾക്കും അംഗമാകാം👇
https://hostinfoarabia.com/arabian_malayali_whatsapp_group_ksa