ഹജ്ജ് 2024; സൗദി അറേബ്യ നുസുക് തീർത്ഥാടക കാർഡ് പുറത്തിറക്കി

സൗദി ഹജ്ജ്, ഉംറ മന്ത്രാലയം 2024-ലെ ഹജ്ജ് തീർത്ഥാടനത്തിനായി ഉപയോഗിക്കുന്നതിനായി നുസുക് തീർത്ഥാടക കാർഡ് പുറത്തിറക്കി.

ഹജ്ജ്, ഉംറ മന്ത്രി ഡോ. തൗഫീഖ് അൽ-റബിയ, ഇന്തോനേഷ്യയിലേക്കുള്ള തൻ്റെ ഔദ്യോഗിക സന്ദർശന വേളയിൽ, ജക്കാർത്തയിലെ ഇന്തോനേഷ്യൻ മതകാര്യ മന്ത്രിക്ക് പകർപ്പ് നൽകി നുസുക്ക് കാർഡ് പ്രകാശനം ചെയ്തു.

തീർഥാടകരുടെ യാത്രാ സൗകര്യം വർധിപ്പിക്കുന്നതിനും അത്യാധുനിക സാങ്കേതിക വിദ്യകളിൽ നിന്ന് പ്രയോജനം നേടുന്നതിനുമായി സൗദി അറേബ്യൻ ഗവൺമെൻ്റ് നടപ്പാക്കുന്ന നിരന്തരമായ ശ്രമങ്ങളുടെ ഭാഗമായി നടപ്പാക്കുന്ന പരിഷ്കാരങ്ങളുടെ ഭാഗമായാണ്  കാർഡ് പുറത്തിറക്കുന്നത്.

തീർത്ഥാടനം വളരെ എളുപ്പവും ലളിതവുമാക്കുന്നതിനും നിയമവിരുദ്ധമായ രീതിയിൽ ഹജ്ജ് ചെയ്യുന്ന സംഭവങ്ങൾ കുറയ്ക്കുന്നതിനും വരാനിരിക്കുന്ന ഹജ്ജ് സീസണിലെ പ്രവർത്തന നടപടിക്രമങ്ങളുടെ കാര്യക്ഷമത വർദ്ധിപ്പിക്കുകയാണ് നുസുക് തീർത്ഥാടക കാർഡ് ലക്ഷ്യമിടുന്നത്.

ഓരോ തീർത്ഥാടകൻ്റെയും ഐഡൻ്റിറ്റി തിരിച്ചറിയാനും പരിശോധിക്കാനും കാർഡ് സൗകര്യമൊരുക്കുന്നു, കൂടാതെ അനധികൃത വ്യക്തികൾ പുണ്യസ്ഥലങ്ങളിൽ പ്രവേശിക്കുന്നത് തടയാനും അങ്ങനെ എല്ലാ തീർത്ഥാടകരുടെയും സുരക്ഷ ഉറപ്പാക്കുകയും ചെയ്യുന്നു.

സൗദി അറേബ്യയിൽ നിന്നും വിദേശത്തുനിന്നും വരുന്ന തീർഥാടകർ പുണ്യസ്ഥലങ്ങളിൽ എത്തുന്നതിന് മുമ്പ് കാർഡ് വാങ്ങണമെന്ന് ഹജ്ജ്, ഉംറ മന്ത്രാലയം അഭ്യർത്ഥിച്ചു. വിദേശ, ആഭ്യന്തര തീർഥാടകർ അവരുടെ യാത്രയ്ക്കിടയിലും ഹജ്ജ് കാലയളവിലുടനീളം അവർ എത്തിച്ചേരുന്ന സമയം മുതൽ പുറപ്പെടുന്നതുവരെയുള്ള യാത്രകളിലും കാർഡ് കൈവശം വയ്ക്കാൻ ബാധ്യസ്ഥരാണ്. വിശുദ്ധ നഗരങ്ങളായ മക്കയിലും മദീനയിലും പ്രവേശിക്കുന്നതിനും യാത്ര ചെയ്യുന്നതിനും മിന, അറഫാത്ത്, മുസ്ദലിഫ എന്നീ പുണ്യസ്ഥലങ്ങൾക്കിടയിലുള്ള സഞ്ചാരത്തിനും കാർഡ് നിർബന്ധമാണെന്ന് മന്ത്രാലയം ഊന്നിപ്പറഞ്ഞു.

അറേബ്യൻ മലയാളി വാട്സാപ് ഗ്രൂപിൽ നിങ്ങൾക്കും അംഗമാകാം👇
https://hostinfoarabia.com/arabian_malayali_whatsapp_group_ksa