ഹജ്ജ് വാർത്തകൾ; അപ്ഡേറ്റഡ് (വെള്ളി)

മക്ക: വിശുദ്ധ മക്കയിലെ ഹോട്ടലുകൾ, സർവീസ്ഡ് അപ്പാർട്ട്‌മെൻ്റുകൾ, മറ്റ് താമസസൗകര്യങ്ങൾ എന്നിവയുൾപ്പെടെ വിവിധ ഹോസ്പിറ്റാലിറ്റി സൗകര്യങ്ങളുടെ പരിശോധനയും നിരീക്ഷണ ടൂറുകളും സൗദി ടൂറിസം മന്ത്രാലയം ശക്തമാക്കി. ഹജ്ജ് സീസണിൽ തീർഥാടകർക്ക് നൽകുന്ന സേവനങ്ങളുടെ ഗുണനിലവാരം ഉയർത്താനാണ് ഈ ശ്രമം ലക്ഷ്യമിടുന്നത്.

ഈ വർഷത്തെ ഹജ്ജിന്  വിശുദ്ധ സ്ഥലങ്ങളിലെ കാൽ നടപ്പാതകളിൽ ഫ്ലെക്സിബിൾ റബ്ബർ അസ്ഫാൽറ്റ് ഉപയോഗിക്കുന്നതിനുള്ള ഒരു സംരംഭം ഗതാഗത മന്ത്രാലയം ആരംഭിച്ചു. ഈ സാങ്കേതികവിദ്യയുടെ ഉപയോഗം തീർഥാടകർക്ക് കണങ്കാലുകളിലും പാദങ്ങളിലും സമ്മർദ്ദം കുറയ്ക്കുകയും നടക്കുമ്പോൾ ആശ്വാസം നൽകുകയും ചെയ്യും.

ഈ വർഷത്തെ ഹജ്ജ് -ൽ പങ്കെടുക്കുന്നതിനുള്ള ഒരുക്കങ്ങൾ പൂർത്തിയാക്കിയതായി പ്രതിരോധ മന്ത്രാലയം അറിയിച്ചു.

അനുമതിയില്ലാതെ ഹജ്ജ് നിർവഹിക്കുന്നത് പാപമാണെന്നും അനുമതിയില്ലാതെ ഹജ്ജിന് പോകുന്നത് അനുവദനീയമല്ലെന്നും സൗദി ഗ്രാൻഡ് മുഫ്തി ശൈഖ് അബ്ദുൽ അസീസ് ആൽ ശൈഖ് പ്രസ്താവിച്ചു.

അനുമതി പത്രമില്ലാതെ ഹജ്ജ് ചെയ്യാൻ മക്കയിലേക്ക് കടക്കാൻ ശ്രമിക്കുന്നവർക്കെതിരെ പൊതുസുരക്ഷാ വിഭാഗം ശിക്ഷാ നടപടികൾ സ്വീകരിക്കൽ ആരംഭിച്ചു.

കഴിഞ്ഞ ദിവസം വരെ 12 ലക്ഷം വിദേശ ഹാജിമാർ പുണ്യ ഭൂമികളിലെത്തി.

അറേബ്യൻ മലയാളി വാട്സാപ് ഗ്രൂപിൽ നിങ്ങൾക്കും അംഗമാകാം👇
Arabian Malayali WhatsApp Group