അമേരിക്കയിൽ വിമാനത്തിന്റെ ലാൻഡിങ് ഗിയർ കമ്പാർട്ട്മെന്റിൽ അജ്ഞാത മൃതദേഹങ്ങൾ കണ്ടെത്തി

അമേരിക്കയിലെ ഫോർട്ട് ലോഡർഡേൽ എയർപോർട്ടിൽ വിമാനത്തിന്റെ ലാൻഡിങ് ഗിയർ കമ്പാർട്ട്മെന്റിൽ 2 അജ്ഞാത മൃതദേഹങ്ങൾ കണ്ടെത്തി.

ജെറ്റ്ബ്ലൂ വിമാനത്തിൻ്റെ ലാൻഡിങ് ഗിയർ കമ്പാർട്ട്മെൻ്റിലാണ് വിമാനം ലാൻഡ് ചെയ്തതിന് ശേഷമുള്ള പതിവ് അറ്റകുറ്റപ്പണികൾക്കിടയിൽ മൃതദേഹങ്ങൾ കണ്ടെത്തിയത്.

ന്യൂയോർക്കിലെ ജോൺ എഫ് കെന്നഡി അന്താരാഷ്ട്ര വിമാനത്താവളത്തിൽ നിന്ന് രാത്രി 11 മണിക്ക് ശേഷമാണ് വിമാനം ഫോർട്ട് ലോഡർഡെയ്‌ലിൽ എത്തിയത്.

മരണപ്പെട്ട വ്യക്തികളുടെ ഐഡൻ്റിറ്റികളും അവർ എങ്ങനെ വിമാനത്തിലേക്ക് പ്രവേശിച്ചു എന്നതുമായി ബന്ധപ്പെട്ട സാഹചര്യങ്ങളും അന്വേഷണത്തിലാണെന്ന് ജെറ്റ്ബ്ലൂ പ്രസ്താവനയിൽ പറഞ്ഞു.

കഴിഞ്ഞ ഒരു മാസത്തിനിടെ ഇത് രണ്ടാം തവണയാണ് വിമാനത്തിൻ്റെ വീൽ ഏരിയയിൽ നിന്ന് മൃതദേഹം കണ്ടെത്തുന്നത്.

ഡിസംബർ അവസാനത്തിൽ, യുണൈറ്റഡ് എയർലൈൻസ് വിമാനം ചിക്കാഗോയിൽ നിന്ന് മൗയിൽ ഇറങ്ങിയതിന് ശേഷം സമാനമായ രീതിയിൽ ഒരു മൃതദേഹം കണ്ടെത്തിയിരുന്നു.

ഇത് ഹൃദയഭേദകമായ ഒരു സാഹചര്യമാണെന്നും, ഇത് എങ്ങനെ സംഭവിച്ചുവെന്ന് മനസിലാക്കാൻ അധികാരികളുമായി ചേർന്ന് പ്രവർത്തിക്കുകയാണെന്നും എയർലൈൻ കൂട്ടിച്ചേർത്തു.

അറേബ്യൻ മലയാളി വാട്സാപ് ഗ്രൂപിൽ നിങ്ങൾക്കും അംഗമാകാം👇
Arabian Malayali WhatsApp Group