സൗദിയിൽ കോൺക്രീറ്റ് വസ്തുക്കൾ വലിച്ചെറിഞ്ഞ് പരിസ്ഥിതി മലിനമാക്കിയ ഇന്ത്യക്കാരനെ അറസ്റ്റ് ചെയ്തു

മദീന മേഖലയിൽ കോൺക്രീറ്റ് വസ്തുക്കൾ വലിച്ചെറിഞ്ഞ് പരിസ്ഥിതി മലിനമാക്കുകയും മണ്ണിന് കേടുപാടുകൾ വരുത്തുകയും ചെയ്ത് പരിസ്ഥിതി വ്യവസ്ഥ ലംഘിച്ച ഇന്ത്യക്കാരനെ അറസ്റ്റ് ചെയ്തതായി പരിസ്ഥിതി സുരക്ഷയ്ക്കുള്ള പ്രത്യേക സേന അറിയിച്ചു.

പരിസ്ഥിതി സുരക്ഷയ്‌ക്കായുള്ള പ്രത്യേക സേന ഇന്ത്യക്കാരനെതിരെ പതിവ് നടപടിക്രമങ്ങൾ പ്രയോഗിച്ചിട്ടുണ്ടെന്നും  ബന്ധപ്പെട്ട അധികാരികൾക്ക് കൈമാറിയെന്നും സൂചിപ്പിച്ചു.

മണ്ണിന് നേരിട്ടോ അല്ലാതെയോ നാശമുണ്ടാക്കുന്ന, അതിനെ മലിനമാക്കുന്ന, അതിന്റെ ഉപയോഗത്തെ പ്രതികൂലമായി ബാധിക്കുന്ന, അല്ലെങ്കിൽ അതിന്റെ സ്വാഭാവിക ഗുണങ്ങളെ നശിപ്പിക്കുന്ന എതെങ്കിലും പ്രവൃത്തിയിൽ ഏർപ്പെടുന്നതിനുള്ള പിഴ (10) ദശലക്ഷം റിയാലാണ്.

അറേബ്യൻ മലയാളി വാട്സാപ് ഗ്രൂപിൽ നിങ്ങൾക്കും അംഗമാകാം👇
Arabian Malayali WhatsApp Group