ത്വാഇഫിൽ പ്രതിവർഷം ഉത്പാദിക്കപ്പെടുന്നത് 960 ദശലക്ഷം റോസാപ്പൂക്കൾ

ത്വാഇഫ്:  910-ലധികം റോസ് ഫാമുകളുള്ള സൗദിയിലെ ത്വാഇഫ്, റോസ് കൃഷിയുടെ ഒരു പ്രധാന കേന്ദ്രമാണ്. 193 ഹെക്ടറിൽ കൂടുതൽ ഏരിയയിൽ 960 ദശലക്ഷത്തിലധികം റോസാപ്പൂക്കൾ (2,437 ടൺ) ആണ് ഇവിടെ ഉത്പാദിപ്പിക്കുന്നത്ത്

ത്വാഇഫ് റോസാപ്പൂക്കൾ, സൗദി അറേബ്യ അഭിമാനിക്കുന്ന കാർഷിക, സാംസ്കാരിക നിധികളിൽ ഒന്നാണ്. ഇത് കാർഷിക സ്വത്വത്തിന്റെ പ്രതീകമായി കണക്കാക്കപ്പെടുന്നു, കൂടാതെ അവയുടെ  സുഗന്ധം സൗദി അറേബ്യയിലുടനീളം വ്യാപിക്കുന്നു. മാർച്ച് ആദ്യം മുതൽ ആരംഭിച്ച് ഏകദേശം 45 ദിവസം നീണ്ടുനിൽക്കുന്ന ഇവയുടെ വിളവെടുപ്പ് കാലം സൗദി അറേബ്യയ്ക്ക് അകത്തും പുറത്തുമുള്ള റോസ് പ്രേമികളെയും സുഗന്ധദ്രവ്യ നിർമ്മാതാക്കളെയും ആകർഷിക്കുന്നുണ്ട്.

റോസ് വാട്ടർ, സൗന്ദര്യവർദ്ധക വസ്തുക്കൾ, ശരീര സംരക്ഷണ ഉൽപ്പന്നങ്ങൾ തുടങ്ങിയ വിവിധ ഡെറിവേറ്റീവുകൾ വേർതിരിച്ചെടുക്കുകയും നിർമ്മിക്കുകയും ചെയ്യുന്ന തായിഫ് റോസ് സംസ്കരണ വ്യവസായത്തിനു അധികൃതർ വലിയ പിന്തുണയാണ് നൽകുന്നത്.

അറേബ്യൻ മലയാളി വാട്സാപ് ഗ്രൂപിൽ നിങ്ങൾക്കും അംഗമാകാം👇
https://hostinfoarabia.com/arabian_malayali_whatsapp_group_ksa