സൗദിയിൽ റമളാനിലെ സർക്കാർ മേഖലയിലെ പ്രവൃത്തി സമയം വ്യക്തമാക്കി മന്ത്രാലയം

റിയാദ്: റമളാൻ മാസത്തിലെ സർക്കാർ മേഖലയിലെ പ്രവൃത്തി സമയം അഞ്ച് മണിക്കൂറിൽ കൂടരുതെന്ന് മാനവ വിഭവശേഷി, സാമൂഹിക വികസന മന്ത്രാലയം ചൊവ്വാഴ്ച പ്രഖ്യാപിച്ചു. 

പുണ്യമാസത്തിലെ എല്ലാ ദിവസവും ഓഫീസ് സമയം രാവിലെ 10:00 ന് ആരംഭിച്ച് ഉച്ചകഴിഞ്ഞ് 3:00 ന് അവസാനിക്കും.

സിവിൽ സർവീസിലെ ഹ്യൂമൻ റിസോഴ്‌സ് എക്‌സിക്യൂട്ടീവ് ചട്ടങ്ങളിൽ വിശുദ്ധ റമദാനിലെ ജോലി സമയം അഞ്ച് മണിക്കൂറിൽ കൂടരുതെന്ന് വ്യവസ്ഥ ചെയ്തിട്ടുണ്ട്. മന്ത്രിമാർക്കും സമാന പദവിയിലുള്ളവർക്കും ആരംഭ സമയത്തും അവസാനിക്കുന്ന സമയത്തും മാറ്റം വരുത്താൻ അധികാരം നൽകും.

തിരക്കേറിയ സമയവും ഗതാഗതക്കുരുക്കിന്റെ സമയവും കണക്കിലെടുത്ത് ജോലിയുടെ ആവശ്യകതകൾക്കനുസൃതമായി പ്രവൃത്തി സമയം ആരംഭിക്കുന്നതിന് സർക്കാർ ഏജൻസികൾക്ക് വഴക്കമുണ്ടാകുന്നതിനാണ് ഈ അധികാരം നൽകിയിരിക്കുന്നതെന്ന് ചട്ടങ്ങളിൽ വ്യവസ്ഥ ചെയ്തിട്ടുണ്ട്.

ജോലി സമയ മാറ്റത്തെക്കുറിച്ച് മാർച്ച് 19 ന് മുമ്പായി ജീവനക്കാരെ അറിയിക്കാൻ സ്ഥാപനങ്ങൾ ബാധ്യസ്ഥരാണ്.

അറേബ്യൻ മലയാളി വാട്സാപ് ഗ്രൂപിൽ നിങ്ങൾക്കും അംഗമാകാം👇
https://hostinfoarabia.com/arabian_malayali_whatsapp_group_ksa