സൗദിയിൽ ലോറി കൊക്കയിലേക്ക് മറിഞ്ഞ് മൂന്ന് പേർ മരിച്ചു
സൗദിയിൽ ലോറി കൊക്കയിലേക്ക് മറിഞ്ഞ് മൂന്ന് തൊഴിലാളികൾ മരിച്ചു. അസീര്‍ പ്രവിശ്യയില്‍ പെട്ട മജാരിദ് ഗവർണറേറ്റിൽ ഇന്നലെ രാവിലെയാണ് അപകടം നടന്നത്.
മജാരിദയിലെ റൈമാന്‍ മലമുകളില്‍ നിന്ന് താഴേക്ക് വീണാണ് അപകടം സംഭവിച്ചത്. സൗദി ഇലക്ട്രിസിറ്റി കമ്പനിയുമായി കരാറിലേര്‍പ്പെട്ട കമ്പനിയുടെ ലോറിയാണ് അപകടത്തില്‍ പെട്ടത്.
സമുദ്ര നിരപ്പിൽ നിന്നും 5500 അടി ഉയരമുള്ള കൊടുമുടിയാണ് മൗണ്ട് റിമാൻ. മലകയറുന്നതിനിടെ നിയന്ത്രണം വിട്ട ലോറി മറിഞ്ഞ് താഴേക്ക് പതിക്കുകയായിരുന്നു.
പല തവണ മറിഞ്ഞ ലോറി റോഡ് സൈഡിലെ കോണ്‍ക്രീറ്റ് ഭിത്തി തകര്‍ത്ത് കൊക്കയിലേക്ക് വീഴുകയായിരുന്നു. അമ്പതു മീറ്റര്‍ താഴ്ചയിലാണ് ലോറി കിടന്നിരുന്നത്.
സിവില്‍ ഡിഫന്‍സ് അധികൃതര്‍ എത്തി രക്ഷാപ്രവര്‍ത്തനം നടത്തി അപകടത്തിൽ മരിച്ച മൂന്ന് പേരുടെയും മൃതദേഹങ്ങള്‍ പുറത്തെടുത്ത് മജാരിദ ജനറല്‍ ആശുപത്രിയിലേക്ക് നീക്കി.
അറേബ്യൻ മലയാളി വാട്സാപ് ഗ്രൂപിൽ നിങ്ങൾക്കും അംഗമാകാം👇
https://hostinfoarabia.com/arabian_malayali_whatsapp_group_ksa