സീതാറാം യെച്ചൂരി അന്തരിച്ചു
ന്യൂഡല്ഹി: സിപിഎം ജനറല് സെക്രട്ടറി സീതാറാം യെച്ചൂരി (72) അന്തരിച്ചു. ഡല്ഹി ഓള് ഇന്ത്യ ഇന്സ്റ്റിറ്റ്യൂട്ട് ഓഫ് മെഡിക്കല് സയന്സസില് (എയിംസ്) ചികിത്സയില് കഴിയുകയായിരുന്നു. ശ്വാസകോശത്തില് കടുത്ത അണുബാധയെ തുടര്ന്നായിരുന്നു യെച്ചൂരിയെ ആശുപത്രിയില് പ്രവേശിപ്പിച്ചത്.
ആന്ധ്ര ബ്രാഹ്മണ ദമ്പതികളായ സർവേശ്വര സോമയാജലു യെച്ചൂരിയുടെയും കല്പകത്തിന്റെയും മകനായി 1952 ഓഗസ്റ്റ് 12ന് ചെന്നൈയിലാണ് യെച്ചൂരിയുടെ ജനനം.
എസ്എഫ്ഐയിലൂടെയാണ് സിപിഎം രാഷ്ട്രീയത്തിലേക്കെത്തുന്നത്. 1974 ലില് എസ്എഫ്.ഐയില് അംഗമായ യെച്ചൂരി 1980 ല് സിപിഎമ്മിലെത്തി. 1985-ല് സിപിഎം കേന്ദ്രകമ്മിറ്റിയിലേക്ക് തിരഞ്ഞെടുക്കപ്പെട്ട യെച്ചൂരി 1992 മുതല് സിപിഎം പോളിറ്റ് ബ്യൂറോ അംഗമാണ്. 2015ല് വിശാഖപട്ടണത്ത് നടന്ന 21ാം പാര്ട്ടികോണ്ഗ്രസില് ദേശീയ സെക്രട്ടറിയായി.
നാളിതുവരെ ഒരു തെരഞ്ഞെടുപ്പിലും മത്സരിച്ചിട്ടില്ലെങ്കിലും ദേശീയതലത്തില് സിപിഎമ്മിന്റെ വക്താവും മുഖവുമായിരുന്നു യെച്ചൂരി. കോണ്ഗ്രസുകാരുമായി ഏറ്റവും അടുപ്പമുള്ള നേതാവും യെച്ചൂരിയായിരുന്നു.
അറേബ്യൻ മലയാളി വാട്സാപ് ഗ്രൂപിൽ നിങ്ങൾക്കും അംഗമാകാം👇
Arabian Malayali WhatsApp Group
