നൂറുൻ അലാ നൂർ : തനിമ ഖുർആൻ സ്റ്റഡി സർക്കിൾ വാർഷികവും കുടുംബസംഗമവും
ദമ്മാം: തനിമ ഖുർആൻ സ്റ്റഡി സർക്കിൾ വാർഷികവും കുടുംബ സംഗമവും നൂറുൻ അലാ നൂർ എന്ന ശീർഷകത്തിൽ വൈവിധ്യമാർന്ന പരിപാടികളോടെ അരങ്ങേറി. ദമ്മാം ഫൈസലിയ്യയിൽ നടന്ന പരിപാടിയിൽ ദമ്മാം സോണൽ ആക്ടിങ് പ്രസിഡണ്ട് അൻവർ ഷാഫി അധ്യക്ഷത വഹിച്ചു . സാംസ്‌കാരിക സമ്മേളനം കിഴക്കൻ പ്രവിശ്യ പ്രസിഡന്റ് ഉമർ ഫാറൂഖ് ഉൽഘാടനം ചെയ്തു.
ഖുർആൻ ആലു ഇമ്രാൻ അധ്യായം ആസ്പദമാക്കി നടത്തിയ എഴുത്തു പരീക്ഷയുടെ ഫല പ്രഖ്യാപനം പരീക്ഷ കൺട്രോളർ ഇർഷാദ് മാഹിയും ഉന്നത വിജയം നേടിയവർക്കായി നടത്തിയ ലൈവ് ക്വിസ് മത്സര ഫലം ഉമർ ഫാറൂഖും നിർവഹിച്ചു. റുബീന അബ്‍ദുൽ ഹഖ്, അനീസ മെഹബൂബ്, അമീന കെ. നജ്മ സാദിഖ്, മുഹമ്മദ് സാലിഹ്, എന്നിവർ യഥാക്രമം ഒന്ന്, രണ്ട് , മൂന്ന്, നാല്, അഞ്ച് സ്ഥാനങ്ങൾ കരസ്ഥമാക്കി. വിജയികൾക്കുള്ള സമ്മാനദാനം കിഴക്കൻ പ്രവിശ്യ പ്രസിഡണ്ട് ഉമർ ഫാറൂഖ്, കേന്ദ്ര സെക്രട്ടറി മുജീബ് റഹ്മാൻ, സോണൽ ആക്ടിങ് പ്രസിഡണ്ട് അൻവർ ഷാഫി, വനിതാ വിഭാഗം പ്രസിഡന്റ് ഷബ്‌ന അസീസ്, സെക്രട്ടറി ഷബ്‌ന സലിം ബാബു, സിറാജ് കല്ലമ്പലം, യൂസഫ് സാദിഖ്, ഫാസിന ബഷീർ, സുനില സലിം എന്നവർ നിർവഹിച്ചു .
നൗഫൽ കൊടുവള്ളി മുഖ്യ പ്രഭാഷണം നടത്തി. ഖുർആനിക് സ്‌കൂൾ പ്രിൻസിപ്പാൾ സുബൈർ പുല്ലാളൂർ ആശംസകൾ നേർന്നു. തനിമ കൂടിയാലോചനാ സമിതി അംഗം എ.സി.എം ബഷീർ നന്ദി പറഞ്ഞു. ബഷീർ കണ്ണൂർ ഖിറാഅത്ത് നടത്തി. മുഹമ്മദ് റഫീഖ്, മെഹബൂബ്, നാസർ ആലുങ്കൽ, സാദത്ത്, മുഹമ്മദ് കോയ, ആസിഫ് എന്നിവർ നേതൃത്വം നൽകി. ഷബീർ ചാത്തമംഗലം, നൗഷാദ് ഇരിക്കൂർ എന്നിവർ അവതാരകരായി.
അറേബ്യൻ മലയാളി വാട്സാപ് ഗ്രൂപിൽ നിങ്ങൾക്കും അംഗമാകാം👇
https://hostinfoarabia.com/arabian_malayali_whatsapp_group_ksa