നവയുഗം റാക്ക ഈസ്റ്റ് യൂണിറ്റിന്റെ “ചമയം – 2019” ജൂലൈ 12ന് അരങ്ങേറും.

റാക്ക ഈസ്റ്റ് യൂണിറ്റ് പ്രസിഡന്റ് കുഞ്ഞുമോൻ കുഞ്ഞച്ചന്റെ അദ്ധ്യക്ഷതയിൽ ചേർന്ന യൂണിറ്റ് കൺവെൻഷൻ, നവയുഗം കേന്ദ്രകമ്മിറ്റി പ്രസിഡന്റ് ബെൻസിമോഹൻ ജി ഉത്‌ഘാടനം ചെയ്തു. കശ്മീരിലെ പുൽവാമയിലെ ഉണ്ടായ ഭീകരാക്രമണത്തിൽ മരണമടഞ്ഞ ധീരജവാന്മാർക്ക് കൺവെൻഷൻ ആദരാഞ്ജലികൾ അർപ്പിച്ചു. നവയുഗം അൽകോബാർ മേഖല സെക്രട്ടറി അരുൺ ചാത്തന്നൂർ, മേഖല പ്രസിഡന്റ് ബിജു വർക്കി എന്നിവർ ആശംസപ്രസംഗം നടത്തി. കേന്ദ്രകമ്മിറ്റിഅംഗം ബിനുകുഞ്ഞു സംഘടനറിപ്പോർട്ട് അവതരിപ്പിച്ചു.

യോഗത്തിൽ ബിജോയ് സ്വാഗതവും,  അൻസാരി  നന്ദിയും പറഞ്ഞു.

റാക്ക ഈസ്റ്റ് യൂണിറ്റ് കമ്മിറ്റിയുടെ പുതിയ ഭാരവാഹികളെയും കൺവെൻഷൻ തെരെഞ്ഞെടുത്തു. കുഞ്ഞുമോൻ കുഞ്ഞച്ചൻ (പ്രസിഡന്റ്), കോശി ജോർജ്ജ്, അമൽ സേവ്യർ (വൈസ് പ്രസിഡന്റ്), ബിനുകുഞ്ഞു (സെക്രെട്ടറി), ജിതേഷ്, അൻസാരി (ജോ:സെക്രെട്ടറി), ഷിബു കൃഷ്ണ (ട്രെഷറർ) എന്നിവരാണ് പുതിയ യൂണിറ്റ് ഭാരവാഹികൾ.