സൗദിയിൽ പെട്രോൾ വില കുറച്ചു

റിയാദ്: സൗദിയിൽ പെട്രോൾ വിലകൾ പുതുക്കി നിശ്ചയിച്ചതായി സൗദി ആരാംകോ പ്രസ്താവിച്ചു. ഏപ്രിൽ 11 മുതൽ മെയ് 10 വരെയുള്ള വിലയാണു പുതുക്കി നിശ്ചയിച്ചത്.

91 പെട്രോളിനും 95 പെട്രോളിനും വില കുറച്ചിട്ടുണ്ട്. 91 പെട്രോളിനു ലിറ്ററിനു 1:31 റിയാൽ ആയും 95 പെട്രോളിനു ലിറ്ററിനു 1:47 റിയാൽ ആയുമാണു പുതിയ വില നിശ്ചയിച്ചിട്ടുള്ളത്.

ഇത് വരെ 91 പെട്രോളിനു ലിറ്ററിനു 1:55 റിയാലും 95 പെട്രോളിനു ലിറ്ററിനു 2:05 റിയാലുമായിരുന്നു വില.

നേരത്തെയുള്ള വില ക്രമീകരണങ്ങളെ അപേക്ഷിച്ച് ഈ മാസം പെട്രോൽ വിലയിൽ വലിയ കുറവാണു വന്നിട്ടുള്ളത്.

അന്താരാഷ്ട്ര മാർക്കറ്റിലേക്കുള്ള സൗദിയുടെ പെട്രൊൾ കയറ്റുമതി വിലക്കനുസൃതമായാണു പ്രതിമാസം പെട്രോൾ വില നിശ്ചയിക്കുന്നത്.

അറേബ്യൻ മലയാളി വാട്സാപ് ഗ്രൂപിൽ നിങ്ങൾക്കും അംഗമാകാം👇
https://hostinfoarabia.com/arabian_malayali_whatsapp_group_ksa