പബ്ജി മത വിശ്വാസം ഹനിക്കുന്നെന്ന് സൗദിയും കുവൈറ്റും; വിവാദമായ തീം ഗെയിമിൽ നിന്ന് നീക്കം ചെയ്തു.
കുവൈറ്റ് സിറ്റി: വിഗ്രഹാരാധന പ്രോത്സാഹിപ്പിക്കുന്നു എന്ന ആരോപണത്തെ തുടർന്ന് കുവൈത്തിലും സൗദി അറേബ്യയിലും പബ്ജി ഗെയിമിനെതിരെ വ്യാപകമായ പ്രതിഷേധം. അടുത്തിടെ പുറത്തിറങ്ങിയ PUBG അപ്‌ഡേറ്റിലാണ് പ്രതിഷേധത്തിന് ആസ്പദമായ സംഭവം.
ദക്ഷിണ കൊറിയൻ കമ്പനിയായ ബ്ലൂഹോൾ ഇങ്ക് നിർമ്മിച്ച PUBG, അതിജീവന-പ്രമേയമായ ഒരു യുദ്ധ ഗെയിമാണ്, അത് ഡസൻ കണക്കിന് ഓൺലൈൻ കളിക്കാരെ ഒരു ദ്വീപിൽ ഇറക്കിവിടുകയും അവർ പരസ്പരം ഇല്ലാതാക്കാൻ ശ്രമിക്കുന്നതുമാണ് പ്രമേയം. PUBG മൊബൈൽ ഏറ്റവും പുതിയ ‘മിസ്റ്റീരിയസ് ജംഗിൾ’ മോഡ് പുറത്തിറക്കി, ഈ മോഡിലാണ് വിവാദങ്ങൾ ആരംഭിച്ചത്.
ഗെയിമിൽ, ടോട്ടമുകൾ ശക്തമായ വിഗ്രഹങ്ങളാണ്, അവരോട് പ്രാർത്ഥിക്കുന്നതിലൂടെ കളിക്കാർക്ക് അവരുടെ ആരോഗ്യം പുന സ്ഥാപിക്കാനും എനർജി ഡ്രിങ്കുകൾ, ഹെൽത്ത് കിറ്റ് മുതലായവ ഉപയോഗിക്കാനും കഴിയും. എന്നാൽ, ഗെയിമിൽ ഈ വിഗ്രഹങ്ങളെ ആരാധിക്കണം എന്നത് മുസ്ലിം കളിക്കാരെ ലോകമെമ്പാടും പ്രകോപിതരാക്കി.
തൽഫലമായി, ഇസ്‌ലാമിനെ പിന്തുടരുന്ന നിരവധി PUBG മൊബൈൽ കളിക്കാർ മിസ്റ്റീരിയസ് ജംഗിൾ മോഡ് ഒഴിവാക്കുകയാണ്. ഗെയിമിലെ ടോട്ടമുകൾ കത്തിച്ച് ചിലർ തങ്ങളുടെ അസംതൃപ്തി കാണിക്കുന്നു.
എന്നാൽ ഗെയിം വിവാദമായതിനെ തുടർന്ന് ഗെയിം ഡെവലപ്പർ ടെൻസെന്റ് ക്ഷമ ചോദിക്കുകയും ഗെയിമിൽ നിന്ന് വിവാദമായ തീം നീക്കം ചെയ്തതായും അറിയിച്ചു.
അറേബ്യൻ മലയാളി വാട്സാപ് ഗ്രൂപിൽ നിങ്ങൾക്കും അംഗമാകാം👇
https://hostinfoarabia.com/arabian_malayali_whatsapp_group_ksa