കോവിഡ് പോസിറ്റീവായ മലയാളി സൗദിയിൽ ആത്മഹത്യ ചെയ്ത നിലയിൽ

റിയാദ്: ജുബൈലിൽ മലയാളിയെ ആത്മഹത്യ ചെയ്ത നിലയിൽ കണ്ടെത്തി. കൊല്ലം ഓടനാവട്ടം കൊടുവട്ടൂർ അമ്പാടിയിൽ മദുസൂദനെയാണ് ആത്മഹത്യ ചെയ്ത നിലയിൽ കണ്ടെത്തിയത്. 58 വയസായിരുന്നു.

രണ്ടാഴ്ച മുൻപ് കടുത്ത പനിയും ശ്വാസതടസ്സവും മൂലം ജുബൈൽ ക്രൈസിസ് മാനേജ്മെന്റ് ജനറൽ ഹോസ്പിറ്റലിൽ പ്രവേശിപ്പിച്ചിരുന്നു. കോവിഡ് പരിശോധനയിൽ പോസിറ്റീവ് സ്ഥിരീകരിച്ചിരുന്നെങ്കിലും ഗുരുതരമായ സാഹചര്യം ഇല്ലാത്തതിനാൽ ഹോം കോറന്റൈനിലായിരുന്നു.

താമസ സ്ഥലത്ത് ചില മാനസിക അസ്വാസ്ഥ്യങ്ങൾ പ്രകടിപ്പിച്ചിരുന്നതായി സുഹൃത്തുക്കൾ പറഞ്ഞു. ജുബൈൽ കൈസിസ് മാനേജ്മെന്റ് ഇദ്ദേഹത്തിനു ആവശ്യമായ കൗൺസിലിംഗ് നൽകിയിരുന്നെങ്കിലും താമസ സ്ഥലത്ത് ആത്മഹത്യ ചെയ്യുകയായിരുന്നു. ഭാര്യ: സുധർമ, രണ്ട് മക്കളുണ്ട്, അഭിരാമി, അഭിജിത്.

അറേബ്യൻ മലയാളി വാട്സാപ് ഗ്രൂപിൽ നിങ്ങൾക്കും അംഗമാകാം👇
https://hostinfoarabia.com/arabian_malayali_whatsapp_group_ksa