കഅബയുടെ കിസ് വ ഉയർത്തി

മക്ക: ഹജ്ജ് സീസണിനോടനുബന്ധിച്ച് എല്ലാ വർഷത്തേയും പോലെ വിശുദ്ധ കഅബയുടെ കിസ് വ ഇന്ന് (ബുധനാഴ്ച) പുലർച്ചെ ഉയർത്തി.

സാധാരണ രീതിയിൽ എല്ലാ വർഷവും ദുൽ ഖഅദ് 15 നായിരുന്നു കിസ് വ ഉയർത്താറുണ്ടായിരുന്നത് എന്നാൽ ഈ വർഷം കൊറോണ പശ്ചാത്തലത്തിൽ തീർത്ഥാടകർ കുറവാണെന്നതിനാൽ കിസ് വ ഉയർത്തുന്നത് ദുൽ ഹിജ്ജ 1 ലേക്ക് വൈകിപ്പിക്കുകയായിരുന്നു.

മൂന്ന് മീറ്റർ ആണു കിസ് വ ഉയർത്തിയത്. ഉയർത്തപ്പെട്ട ഭാഗത്ത് വെള്ളത്തുണി കൊണ്ട് മറച്ചിട്ടുണ്ട്. തീർഥാടകർ വർദ്ധിക്കുമ്പോൾ കിസ് വയിൽ സ്പർശിച്ച് കേടു പാടുകൾ വരാതിരിക്കാനാണു ഇങ്ങനെ ഉയർത്തുന്നത്.

ഈ വർഷം വിശുദ്ധ കഅബയെ അണിയിക്കുന്നതിനുള്ള പുതിയ കിസ് വയുടെ കൈമാറ്റം ഇന്ന് മക്ക ഗവർണ്ണറേറ്റ് ഹെഡ് ക്വാർട്ടേഴ്സിൽ നടക്കും.

ദുൽ ഹിജ്ജ 9 – അറഫാ ദിനത്തിലാണു കഅബക്ക് പുതിയ കിസ് വ അണിയിക്കുക. മക്കയിലെ കിസ് വ ഫാക്ടറിയിൽ മേൽത്തരം പട്ടും സ്വർണ്ണവും വെള്ളിയും ഉപയോഗിച്ചാണു കിസ് വ നിർമ്മിച്ചിട്ടുള്ളത്.

അറേബ്യൻ മലയാളി വാട്സാപ് ഗ്രൂപിൽ നിങ്ങൾക്കും അംഗമാകാം👇
https://hostinfoarabia.com/arabian_malayali_whatsapp_group_ksa