സൗദി എയർലൈൻസ് തിങ്കളാഴ്ച മുതൽ ദോഹയിലേക്ക് സർവീസ് ആരംഭിക്കും

ജിദ്ദ: റിയാദിൽ നിന്നും ജിദയിലും നിന്നും ഖത്തർ തലസ്ഥാന നഗരിയായ ദോഹയിലേക്ക് അടുത്ത തിങ്കളാഴ്ച മുതൽ വിമാന സർവീസ് പുനരാരംഭിക്കുമെന്ന് സൗദി എയർലൈൻസ് അറിയിച്ചു.

റിയാദിൽ നിന്ന് ആഴ്ചയിൽ നാലു സർവീസുകളും ജിദ്ദയിൽ നിന്ന് ആഴ്ചയിൽ 3 സർവീസുകളുമാണുണ്ടായിരിക്കുക.

ജനുവരി 11 തിങ്കളാഴ്ച വൈകുന്നേരം 4:40 നു റിയാദിൽ നിന്നായിരിക്കും ആദ്യ യാത്ര നടത്തുകയെന്നും സൗദിയ അറിയിച്ചു.

ഖത്തറുമായുള്ള പ്രശ്നങ്ങൾ പരിഹരിച്ചതോടെ മൂന്നര വർഷത്തിനു ശേഷം ആദ്യമായി സൗദി വ്യോമാതിർത്തിക്ക് മുകളിലൂടെ ഖത്തറിൻ്റെ വിമാനം കഴിഞ്ഞ ദിവസം ദക്ഷിണാഫ്രിക്കയിലേക്ക് പറന്നിരുന്നു.

അറേബ്യൻ മലയാളി വാട്സാപ് ഗ്രൂപിൽ നിങ്ങൾക്കും അംഗമാകാം👇
https://hostinfoarabia.com/arabian_malayali_whatsapp_group_ksa