സൗദി പ്രവാസികൾ നിലവിലെ സാഹചര്യത്തിൽ നാട്ടിലേക്ക് അവധിയിൽ പോകുന്നത് പുലിവാലാകുമോ

ജിദ്ദ: നിലവിലെ സാഹചര്യത്തിൽ സൗദി പ്രവാസികൾ നാട്ടിലേക്ക് അവധിയിൽ പോകുന്നത്  പിന്നീട് പ്രയാസം സൃഷ്ടിക്കുമോ എന്ന തരത്തിലുള്ള  സംശയങ്ങൾ പല പ്രവാസികളും ഇൻ ബോക്സിലൂടെയും മറ്റും ചോദിക്കുന്നുണ്ട്.

സൗദിയിലേക്ക് നേരിട്ടുള്ള വിമാന സർവീസ് മുടങ്ങുകയും 20 രാജ്യങ്ങളിൽ നിന്നുള്ള നേരിട്ടുള്ള യാത്രക്ക് സൗദി ഏർപ്പെടുത്തിയ വിലക്ക് ഈ നിമിഷം വരെ തുടരുകയും  വക ഭേദം വന്ന വൈറസിന്റെ വ്യാപനം വർദ്ധിക്കുകയും ചെയ്യുന്ന സാഹചര്യത്തിലാണു അവധിയിൽ പോകുന്നത് പുലി വാലാകുമോ എന്ന് പലരും ചോദിക്കുന്നത്.

അ ചോദ്യത്തിനു ഒറ്റ വാക്കിൽ മറുപടി നൽകുക പ്രായസകരമാണെങ്കിലും നിലവിലെ സാഹചര്യത്തിൽ കുറഞ്ഞ ലീവിനു നാട്ടിലേക്ക് പോകാതിരിക്കുകയാണു ബുദ്ധി എന്ന്  തന്നെ പറയാം..

കാരണം നിലവിൽ സൗദിയിലെ കൊറോണ സാഹചര്യങ്ങളും മറ്റും വിലയിരുത്തുകയാണെങ്കിൽ നേരിട്ടുള്ള വിമാന സർവീസ് എന്ന് മുതലാണ് പുനരാരംഭിക്കുക എന്നത് ഇപ്പോഴും ഉത്തരം കിട്ടാത്ത ഒരു ചോദ്യമാണ്. അതോടൊപ്പം നിലവിൽ ഉള്ള മറ്റു രാജ്യങ്ങളിലൂടെയുള്ള സർവീസുകളും ഏത് സമയം നിർത്തുമെന്നതിനെക്കുറിച്ച് ഒന്നും പ്രവചിക്കാനാകാത്ത സാഹചര്യവുമാണുള്ളത്. ഇന്ന് കുവൈത്ത് പുനരാരംഭിക്കുമെന്ന് പറഞ്ഞ  വിമാന സർവീസുകൾ വീണ്ടും റദ്ദാക്കിയത് ഈ സന്ദർഭത്തിൽ ഓർക്കുക.

അതേ സമയം ദീർഘ കാല അവധിയുള്ളവർക്ക് നിലവിലെ സാഹചര്യത്തിലും നാട്ടിലേക്ക് വരുന്നത് വലിയ പ്രയാസം സൃഷ്ടിക്കാൻ സാധ്യതയില്ല. കാരണം സെപ്തംബർ അവസാനമകുംബോഴേക്കും വാക്സിൻ വിതരണം പരമാവധിയിലെത്താനും നിയന്ത്രണങ്ങളിൽ വലിയ അയവ് വരാനും സാധ്യതയുണ്ടെന്നാണു അധികൃതരുടെ പ്രസ്താവനയിൽ നിന്ന് വ്യക്തമാകുന്നത്. (വാക്സിനുകൾ വീണ്ടും സൗദിയിലെത്തിത്തുടങ്ങിയതിനാൽ സമീപ മാസങ്ങളിൽ തന്നെ വിമാന സർവീസുകൾ പുനരാരംഭിക്കുന്നതിനുള്ള സാധ്യതയും ഉണ്ട്).

ഏതായാലും നാട്ടിലേക്ക് പോകുന്നതിനു മുമ്പ് സ്വന്തം ജോലി സാഹചര്യങ്ങൾ വിലയിരുത്തുകയും തിരിച്ചെത്താൻ വൈകിയാൽ തന്റെ ജോലി നഷ്ടപ്പെടുമോ ഇല്ലയോ എന്നത് സ്വയം ചിന്തിക്കുകയും ചെയ്യുക. ഓരോരുത്തരുടെയും സാഹചര്യങ്ങൾ വ്യത്യസ്തമായിരിക്കും. അത് കൊണ്ട് തന്നെ ഇക്കാര്യത്തിൽ മറ്റുള്ളവരെ അനുകരിക്കാതെ സ്വന്തം സാഹചര്യം വിലയിരുത്തി മാത്രം ഒരു തീരുമാനത്തിൽ എത്തുകയാണ് ഉചിതം. നാട്ടിൽ അവധിയിലുള്ള ആയിരക്കണക്കിനാളുകൾ മടങ്ങാനായി  എന്ത് ചെയ്യുമെന്നറിയാതെ നിൽക്കുന്നത് ഈ അവസരത്തിൽ ഓർക്കുക.

അറേബ്യൻ മലയാളി വാട്സപ് ഗ്രൂപിൽ നിങ്ങൾക്കും അംഗമാകാം👇
https://hostinfoarabia.com/arabian_malayali_whatsapp_group_ksa

അറേബ്യൻ മലയാളി വാട്സാപ് ഗ്രൂപിൽ നിങ്ങൾക്കും അംഗമാകാം👇
https://hostinfoarabia.com/arabian_malayali_whatsapp_group_ksa