ഇന്ത്യയിൽ നിന്നുള്ള യാത്രക്കാർക്ക് യു എ ഇയിലേക്ക് അനിശ്ചിതകാല വിലക്ക്

May 4, 2021 Jihadudheen Areekkadan

ദുബൈ: ഇന്ത്യയിലെ കോവിഡ് ബാധ രൂക്ഷമാകുന്ന സാഹചര്യത്തിൽ ഇന്ത്യയിൽ നിന്ന് വരുന്ന യാത്രക്കാർക്ക് ഏർപ്പെടുത്തിയിരുന്ന പ്രവേശന വിലക്ക് യു എ ഇ അനിശ്ചിത കാലത്തേക്ക് നീട്ടി.

യു എ ഇയിൽ പ്രവേശിക്കുന്നതിന്റെ മുമ്പ് 14 ദിവസത്തിനുള്ളിൽ ഇന്ത്യ സന്ദർശിച്ചവർക്കും ഇന്ത്യയിൽ നിന്ന് യു എ ഇ വഴി മറ്റു രാജ്യങ്ങളിലേക്കുള്ള ട്രാൻസിറ്റ് യാത്രകൾക്കും വിലക്കുണ്ട്.

എന്നാൽ യു എ ഇ വഴി ഇന്ത്യയിലേക്കുള്ള ട്രാൻസിറ്റ് യാത്രകൾക്ക് തടസ്സമില്ല.

ഏപ്രിൽ 25 നായിരുന്നു യു എ ഇ ഇന്ത്യയിൽ നിന്നുള്ള വിമാനങ്ങൾക്ക് വിലക്കേർപ്പെടുത്തിയത്. തുടർന്ന് മെയ് 4 നു വിലക്ക് 10 ദിവസത്തേക്ക് കൂടി നീട്ടുകയും ചെയ്തിരുന്നു. എന്നാൽ ഇപ്പോൾ അനിശ്ചിത കാലത്തേക്ക് വിലക്ക് നീട്ടിയത് പ്രവാസികൾക്ക് വലിയ തിരിച്ചടിയായി മാറിയേക്കും.

അറേബ്യൻ മലയാളി വാട്സാപ് ഗ്രൂപിൽ നിങ്ങൾക്കും അംഗമാകാം👇
https://hostinfoarabia.com/arabian_malayali_whatsapp_group_ksa