സൗദിയിലെ എല്ലാ വിദ്യാർഥികളും ഈ മാസം 8 നു മുമ്പ് ആദ്യ ഡോസ് വാക്സിൻ സ്വീകരിക്കണമെന്ന് ആരോഗ്യമന്ത്രാലയം

August 2, 2021 Jihadudheen Areekkadan

റിയാദ്: മുഴുവൻ വിദ്യാർഥി വിദ്യാർഥിനികളും ഓഗസ്ത് 8 നു മുമ്പ് ഫസ്റ്റ് ഡോസ് വാക്സിൻ സ്വീകരിക്കണമെന്ന് സൗദി ആരോഗ്യ മന്ത്രാലയം അറിയിച്ചു.

ഇപ്പോൾ ഫസ്റ്റ് ഡോസ് എടുത്താൽ അടുത്ത അക്കാദമിക് വർഷാരംഭത്തിനു മുമ്പ് തന്നെ സെക്കൻഡ് ഡോസ് സ്വീകരിക്കാൻ കുട്ടികൾക്ക് സാധിക്കും എന്നതിനാലാണു മന്ത്രാലയം ഈ ആഹ്വാനം ചെയ്തിട്ടുള്ളത്.

എല്ലാ വാക്സിനേഷൻ കേന്ദ്രങ്ങളിലും അപ്പോയിന്റ്‌മെന്റുകൾ ലഭ്യമാക്കും. അണുബാധ തടയുന്നതിനും സമൂഹത്തെ വൈറസിൽ നിന്നുള്ള സങ്കീർണതകളിൽ നിന്ന് സംരക്ഷിക്കുന്നതിനും ഈ നടപടി ലക്ഷ്യമിടുന്നുവെന്ന് ആരോഗ്യ മന്ത്രാലയം വിശദീകരിച്ചു.

ഇന്റർമീഡിയറ്റ്, സെക്കൻഡറി വിഭാഗങ്ങളിൽ പെടുന്ന വിദ്യാർഥികൾക്ക് സ്കൂളുകളിൽ ഓഫ് ലൈൻ ക്ലാസുകൾ ആരംഭിക്കുമെന്ന് വിദ്യാഭ്യാസ മന്ത്രാലയം കഴിഞ്ഞ ദിവസം പ്രഖ്യാപിച്ചിരുന്നു.

അറേബ്യൻ മലയാളി വാട്സാപ് ഗ്രൂപിൽ നിങ്ങൾക്കും അംഗമാകാം👇
https://hostinfoarabia.com/arabian_malayali_whatsapp_group_ksa

പ്രവാസി വോയ്‌സ് വാട്ട്സ്ആപ്പ് ചാനൽ ഫോളോ ചെയ്യാൻ👇
https://whatsapp.com/channel/0029Vaiawe4Elagm2wyOzH2Q