ഡ്രൈവിംഗിനിടെ വീഡിയോ ചിത്രീകരിച്ച സൗദി നടന് പിഴ; പ്രമുഖനായിട്ടും ഇളവ് നൽകാതിരുന്ന സൗദി ട്രാഫിക് വിഭാഗത്തിന് അഭിനന്ദന പ്രവാഹം

റിയാദ്: ഡ്രൈവിംഗിനിടെ സ്നാപ് ചാറ്റിൽ വീഡിയോ ചിത്രീകരിച്ച പ്രമുഖ സൗദി നടൻ ഫായിസ് അൽ മാലികിക്ക് സൗദി ട്രാഫിക് ഡിപ്പാർട്ട്മെൻ്റ് പിഴ ചുമത്തി.

ഫായിസ് അൽ മാലികി തന്നെയാണ് തന്നെ മുറൂർ വിളിച്ച് വരുത്തുകയും പിഴ ചുമത്തുകയും ചെയ്ത കാര്യം പുറത്ത് വിട്ടത്.

എല്ലാവരുടെയും സുരക്ഷയും കരുതലും ആഗ്രഹിച്ചുള്ള സൗദി ട്രാഫിക് വിഭാഗത്തിൻ്റെ ഇടപെടലിൽ താൻ വളരെ സന്തുഷ്ടനാണെന്ന് ഫായിസ് മാലികി പറഞ്ഞു.

അതോടൊപ്പം ഒരാളും വാഹനം ഓടിക്കുന്നതിനിടയിൽ മൊബൈൽ കയ്യിലെടുക്കുകയോ ചിത്രങ്ങൾ പകർത്തുകയോ ചെയ്യരുതെന്നും അദ്ദേഹം പൊതു ജനങ്ങളോട് ആഹ്വാനം ചെയ്യുകയും ചെയ്തു.

പ്രമുഖനായിട്ട് പോലും ഇളവ് നൽകാതെ നിയമ ലംഘനം രേഖപ്പെടുത്തിയ സൗദി ഗതാഗത വിഭാഗത്തിനു പൊതു ജനങ്ങൾ സാമൂഹിക മാധ്യമങ്ങളിലൂടെ അഭിനന്ദനം അറിയിച്ചു.

അറേബ്യൻ മലയാളി വാട്സാപ് ഗ്രൂപിൽ നിങ്ങൾകും അംഗമാകാം.
https://hostinfoarabia.com/arabian_malayali_whatsapp_group_ksa

അറേബ്യൻ മലയാളി വാട്സാപ് ഗ്രൂപിൽ നിങ്ങൾക്കും അംഗമാകാം👇
https://hostinfoarabia.com/arabian_malayali_whatsapp_group_ksa