നാട്ടിൽ കുടുങ്ങിയ സൗദി പ്രവാസികളുടെ റി എൻട്രി വിസകൾ സെപ്തംബർ 30 വരെ പുതുക്കിത്തുടങ്ങി

സൗദിയിലേക്ക് വരാനാകാതെ നാട്ടിൽ കുടുങ്ങിയ പ്രവാസികൾക്ക് ആശ്വാസമായിക്കൊണ്ട് റി എൻട്രി വിസകളും സെപ്തംബർ 30 വരെ സൗജന്യമായി പുതുക്കിത്തുടങ്ങി.

ഇന്ന് റി എൻട്രി കാലാവധി പരിശോധിച്ചപ്പോൾ സ്വഫർ 23 അഥവാ സെപ്തംബർ 30 വരെ റി എൻട്രി വിസാ കാലാവധി പുതുക്കിയതായി കാണാൻ സാധിക്കുകയായിരുന്നുവെന്ന് പ്രവാസി സുഹൃത്തുക്കൾ അറേബ്യൻ മലയാളിയോട് പറഞ്ഞു.

കഴിഞ്ഞ ദിവസങ്ങളിൽ നിരവധി പ്രവാസികളുടെ ഇഖാമാ കാലാവധിയും സെപ്തംബർ 30 വരെ പുതുക്കി നൽകിയിരുന്നു.

ഇഖാമാ റി എൻട്രി കാലാവധികൾ അവസാനിച്ച് നിൽക്കുന്ന നിരവധി പ്രവാസികൾക്ക് സൗജന്യമായി പുതുക്കി നൽകിയത് വലിയ ആശ്വാസമാകും.

അതേ സമയം ഇനിയും ഇഖാമയും റി എൻട്രിയും പുതുക്കി ലഭിക്കാത്തവരായും നിരവധി പ്രവാസികൾ നാട്ടിലുണ്ട്.

അടുത്ത ദിനങ്ങളിൽ കാലാവധികൾ പുതുക്കി നൽകിയാൽ പെട്ടെന്ന് തന്നെ സൗദിയിലേക്ക് പോകാമെന്ന പ്രതീക്ഷയിലാണു പലരുമുള്ളത്.

നാട്ടിൽ നിന്ന് ഇഖാമാ കാലാവധി പരിശോധിക്കാൻ https://www.mol.gov.sa/IndividualUser/RegisterUser.aspx എന്ന ലിങ്കും റി എൻട്രി വിസാ കാലാവധി പരിശോധിക്കാൻ https://muqeem.sa/#/visa-validity/check എന്ന ലിങ്കും ഉപയോഗിക്കാം.

അറേബ്യൻ മലയാളി വാട്സ്ആപ് ഗ്രുപ്പിൽ നിങ്ങൾക്കും അംഗമാകാം.
https://hostinfoarabia.com/arabian_malayali_whatsapp_group_ksa

അറേബ്യൻ മലയാളി വാട്സാപ് ഗ്രൂപിൽ നിങ്ങൾക്കും അംഗമാകാം👇
https://hostinfoarabia.com/arabian_malayali_whatsapp_group_ksa