സൗദിയിലേക്ക് 66,000 കുപ്പി മദ്യം കടത്താനുള്ള ശ്രമം തകർത്തു

ജിദ്ദ: സൗദിയിലേക്ക് 66,312 കുപ്പി മദ്യം കടത്താനുള്ള മൂന്ന് ശ്രമങ്ങൾ തകർത്തതായി സകാത്ത്, ടാക്സ്, കസ്റ്റം അതോറിറ്റി വ്യക്തമാക്കി.

ജിദ്ദ തുറമുഖം, അൽ ബത്ഹ ചെക്ക് പോയിൻ്റ് എന്നിവിടങ്ങളിലൂടെയായിരുന്നു ഇത്രയും വലിയ കടത്തിനു ശ്രമിച്ചത്.

അൽ ബത്ഹ അതിർത്തി ചെക്ക് പോയിൻ്റ് വഴി വന്ന ഓറഞ്ച് ഷിപ്പ്മെൻ്റിൻ്റെ ഉള്ളിൽ ഒളിപ്പിച്ച നിലയിലായിരുന്നു 25,380 കുപ്പി മദ്യം കണ്ടെത്തിയത്.

ബത്ഹ ചെക്ക് പോയിൻ്റിലൂടെ തന്നെ വന്ന മറ്റൊരു ഡ്രിംഗിംഗ് വാട്ടർ ഷിപ്പ്മെൻ്റിൻ്റെ ഉള്ളിലായി 16,800 ബോട്ടിൽ മദ്യവും കണ്ടെത്തി.

ജിദ്ദ തുറമുഖം വഴി വന്ന ഒരു ഫിൽറ്റർ മെഷീൻ ഷിപ്മെൻ്റിൻ്റെ ഉള്ളിലായിരുന്നു 24,132 ബോട്ടിൽ മദ്യം കണ്ടെത്തിയത്.

രാജ്യത്തിനകത്തേക്ക് വിലക്കപ്പെട്ടതും നിയമ വിരുദ്ധവുമായ വസ്തുക്കൾ കള്ളകടത്ത് നടത്താൻ ശ്രമിക്കുന്നത് ഏത് രീതിയിലും തടയുമെന്ന് അധികൃതർ മുന്നറിയിപ്പ് നൽകി.

അറേബ്യൻ മലയാളി വാട്സാപ് ഗ്രൂപിൽ നിങ്ങൾക്കും അംഗമാകാം.
https://hostinfoarabia.com/arabian_malayali_whatsapp_group_ksa

അറേബ്യൻ മലയാളി വാട്സാപ് ഗ്രൂപിൽ നിങ്ങൾക്കും അംഗമാകാം
https://hostinfoarabia.com/arabian_malayali_whatsapp_group_ksa