സൗദിയിലേക്ക് വിസിറ്റിംഗ് വിസയിൽ ബന്ധുക്കളെ കൊണ്ട് വരുന്നവർ തങ്ങളുടെ വിസ എക്സിറ്റടിച്ചിട്ടില്ലെന്ന് ഉറപ്പ് വരുത്തുക

ബന്ധുക്കളെ വിസിറ്റിംഗ് വിസയിൽ കൊണ്ട് വരുന്നവർ തങ്ങളുടെ വിസ ഫൈനൽ എക്സിറ്റടിച്ചിട്ടില്ലെന്ന് ഉറപ്പ് വരുത്തേണ്ടത് അത്യാവശ്യമാണെന്ന് ഒരു മലയാളി കുടുംബത്തിനുണ്ടായ അനുഭവം ഓർമ്മപ്പെടുത്തുന്നു.

സൗദിയിൽ ജോലി ചെയ്യുന്ന ഒരു മലയാളി നഴ്സ് തൻ്റെ ഭർത്താവിനെ വിസിറ്റിംഗിൽ സൗദിയിലേക്ക് കൊണ്ട് വന്നപ്പോൾ ഭർത്താവിനു എയർപോർട്ടിൽ നിന്ന് പുറത്തിറങ്ങാനാകാത്തതാണു സംഭവം.

നഴ്സ് നേരത്തെ അപേക്ഷിച്ച് കിട്ടിയതായിരുന്നു വിസിറ്റിംഗ് വിസ. എന്നാൽ തൊഴിൽ കരാർ കഴിഞ്ഞതിനാൽ ഹോസ്പിറ്റൽ അധികൃതർ അവർക്ക് ഫൈനൽ എക്സിറ്റ് ഇഷ്യു ചെയ്തിരുന്നു. എന്നാൽ ഈ വിവരം അറിയുന്നതിനു മുംബ് തന്നെ അവരുടെ ഭർത്താവ് യു എ ഇയിൽ നിന്ന് റിയാദിലെത്തിയിരുന്നു.

എന്നാൽ ഫൈനൽ എക്സിറ്റ് വിസ ഇഷ്യു ചെയ്യപ്പെട്ട ഭാര്യയുടെ സ്പോൺസർഷിപ്പിലാണു ഭർത്താവ് സൗദിയിലേക്ക് വന്നത് എന്നതിനാൽ ഭർത്താവിനു സൗദി എയർപോർട്ടിൽ നിന്ന് പുറത്ത് കടക്കാൻ സാധിച്ചില്ല.

ഒന്നുകിൽ ഭർത്താവ് തിരികെ പോകുകയോ അല്ലെങ്കിൽ ഭാര്യ എക്സിറ്റ് താത്ക്കാലികമായി കാൻസൽ ചെയ്യുകയോ വേണം എന്ന് ഉദ്യോഗസ്ഥർ ആവശ്യപ്പെട്ടു.

തുടർന്ന് ഭാര്യയുടെ ഫൈനൽ എക്സിറ്റ് വിസ ആശുപത്രി അധികൃതർ കാൻസൽ ചെയ്യുകയും ഭർത്താവ് റിയാദ് എയർപോർട്ടിൽ നിന്ന് പുറത്ത് കടക്കുകയും ചെയ്യുകയായിരുന്നു.

ശേഷം നാലു ദിവസം ഭർത്താവ് സൗദിയിൽ താമസിക്കുകയും തുടർന്ന് ഭാര്യക്ക് ആശുപത്രി അധികൃതർ വീണ്ടും ഫൈനൽ എക്സിറ്റ് വിസ ഇഷ്യു ചെയ്ത് നൽകുകയും ചെയ്തു.

ഫൈനൽ എക്സിറ്റ് ഇഷ്യു ചെയ്ത ശേഷം 60 ദിവസം കൂടി സൗദിയിൽ തങ്ങാമെങ്കിലും ഈ കാലയളവിൽ എക്സിറ്റ് ഇഷ്യു ചെയ്യപ്പെട്ട ആളുടെ സ്പോൺസർഷിപ്പിൽ ആർക്കും വിസിറ്റിംഗ് വിസയിൽ സൗദിയിലേക്ക് പ്രവേശിക്കാൻ സാധിക്കില്ലെന്ന് മേൽ സംഭവ്ം ഓർമ്മിപ്പിക്കുന്നു.

അതോടൊപ്പം ഒരാൾക്ക് ഫൈനൽ എക്സിറ്റ് ഇഷ്യു ചെയ്ത് ലഭിക്കണമെങ്കിൽ അയാളുടെ സ്പോൺസർഷിപ്പിൽ ഒരാളും വിസിറ്റിംഗിൽ ഇല്ലെന്ന് ഉറപ്പ് വരുത്തുകയും വേണം.

അറേബ്യൻ മലയാളി വാട്സാപ് ഗ്രൂപിൽ നിങ്ങൾക്കും അംഗമാകാം.
https://hostinfoarabia.com/arabian_malayali_whatsapp_group_ksa

അറേബ്യൻ മലയാളി വാട്സാപ് ഗ്രൂപിൽ നിങ്ങൾക്കും അംഗമാകാം👇
https://hostinfoarabia.com/arabian_malayali_whatsapp_group_ksa