റിയാദ് എയർപോർട്ടിലെ തിരക്ക്; അധികൃതർ വിശദീകരണം നൽകി

റിയാദിലെ കിംഗ് ഖാലിദ് ഇന്റർനാഷണൽ എയർപോർട്ട്  വിമാനത്താവളത്തിലെ യാത്രക്കാരുടെ തിരക്ക് സംബന്ധിച്ച് അധികൃതർ പ്രസ്താവന ഇറക്കി

കഴിഞ്ഞ 24 മണിക്കൂറിനുള്ളിൽ 87,000-ലധികം യാത്രക്കാർക്ക് (ഇൻകമിംഗ്, ഔട്ട്‌ഗോയിംഗ്) എല്ലാ എയർപോർട്ട് ടെർമിനലുകളിലൂടെയും ഒരു വിമാനവും റദ്ദാക്കാതെ സർവീസ് നടത്തിയിട്ടുണ്ട്.

യാത്രാ നടപടിക്രമങ്ങൾ സുഗമമാക്കുന്നതിനായി, യാത്രക്കാർ മാത്രം എയർപോർട്ടിനുള്ളിൽ പ്രവേശിക്കുകയും, ടിക്കറ്റിൽ അനുവദനീയമായ ഭാരത്തിന് ലഗേജ് അനുയോജ്യമാണെന്ന് ഉറപ്പുവരുത്തുകയും, എയർലൈനിന്റെ വെബ്‌സൈറ്റ് വഴി ഇലക്‌ട്രോണിക്  ബോർഡിംഗ് പാസ് നേടുന്നതിലും ശ്രദ്ധിക്കണം.

ലക്ഷ്യസ്ഥാനത്തിന്റെ ആവശ്യകതകൾക്കനുസരിച്ച് ആവശ്യമായ രേഖകൾ കൊണ്ടുവരിക, ആഭ്യന്തര വിമാനങ്ങൾ,അന്തർദേശീയ ഫ്ലൈറ്റുകൾ എന്നിവയ്ക്ക് മതിയായ സമയത്ത് വിമാനത്താവളത്തിൽ ഹാജരായിക്കൊണ്ട് ഫ്ലൈറ്റ് റിസർവേഷൻ സ്ഥിരീകരിക്കുക എന്നിവയും നടപടിക്രമങ്ങളിൽ ഉൾപ്പെടുന്നുവെന്ന് അധികൃതർ സൂചിപ്പിച്ചു.

യാത്രക്കാരുടെ സേവനവും സൗകര്യവും തങ്ങൾക്ക് മുൻഗണനയാണെന്നും തങ്ങളുടെ സോഷ്യൽ മീഡിയ ചാനലുകളിലൂടെ യാത്രക്കാർക്കായി തുടർച്ചയായ അപ്‌ഡേറ്റുകൾ നടത്തുമെന്നും റിസർവേഷൻ മാറ്റുകയോ റദ്ദാക്കുകയോ ചെയ്യേണ്ട സാഹചര്യമുണ്ടായാൽ ദയവായി എയർലൈൻസുമായി നേരിട്ട് ആശയവിനിമയം നടത്തണമെന്നും റിയാദ് എയർപോർട്ട് അധികൃതർ ഓർമ്മിപ്പിച്ചു.

അറേബ്യൻ മലയാളി വാട്സാപ് ഗ്രൂപിൽ നിങ്ങൾക്കും അംഗമാകാം👇
https://hostinfoarabia.com/arabian_malayali_whatsapp_group_ksa

അറേബ്യൻ മലയാളി വാട്സാപ് ഗ്രൂപിൽ നിങ്ങൾക്കും അംഗമാകാം👇
https://hostinfoarabia.com/arabian_malayali_whatsapp_group_ksa