ജിദ്ദയിലെ ചേരിപ്രദേശങ്ങൾ പൊളിച്ച് നീക്കൽ പൂർത്തിയായി

October 28, 2022 Jihadudheen Areekkadan

ജിദ്ദ: നേരത്തെ പ്രഖ്യാപിച്ച പ്രവർത്തന പദ്ധതിയും ടൈംടേബിളും അനുസരിച്ച് ജിദ്ദ വികസന പദ്ധതിയിലെ എല്ലാ ചേരിപ്രദേശങ്ങളും പൊളിച്ച് നീക്കൽ പൂർത്തിയായി.

ഹയ്യു ഉമ്മു സലം, കിലോ 14 എന്നിവിടങ്ങളിലെ ചേരികൾ നീക്കം ചെയ്യുന്ന അവസാന പ്രവർത്തനങ്ങളും പൂർത്തിയായതോടെ 32 പ്രദേശങ്ങൾ ആണ് ഇതോടെ ആകെ നീക്കം ചെയ്തത്.

താമസക്കാരുടെയും ഉടമകളുടെയും സഹകരണത്തിന്റെയും ബന്ധപ്പെട്ട എല്ലാ കക്ഷികളുടെയും യോജിച്ച പരിശ്രമത്തിന്റെയും വെളിച്ചത്തിലാണ് ഒരു വർഷത്തിനുള്ളിൽ 32 പ്രദേശങ്ങളും നീക്കം ചെയ്യൽ ജോലികൾ പൂർത്തിയാക്കാൻ സാധിച്ചതെന്ന് ജിദ്ദ മുനിസിപ്പാലിറ്റി വാക്താവ് മുഹമ്മദ് അൽ-ബഖ്മി അറിയിച്ചു.

പൊളിച്ച് നീക്കിയ അവശിഷ്ടങ്ങൾ നീക്കം ചെയ്യുന്നതിനായുള്ള ഫീൽഡ് പ്രവർത്തനങ്ങൾ നടക്കുന്നുണ്ട്.

അറേബ്യൻ മലയാളി വാട്സാപ് ഗ്രൂപിൽ നിങ്ങൾക്കും അംഗമാകാം👇
https://hostinfoarabia.com/arabian_malayali_whatsapp_group_ksa