നാട്ടിൽ നിന്ന് ഒരാഴ്ച മുമ്പ് സൗദിയിൽ മടങ്ങിയെത്തിയ മലപ്പുറം സ്വദേശി മരിച്ചു

മലപ്പുറം കോട്ടക്കൽ സ്വദേശി സൗദിയിലെ യാംബുവിലെ താമസസ്ഥലത്ത് ഹൃദയാഘാതം മൂലം മരിച്ചു.

കുനിക്കകത്ത് വീട്ടിൽ മുസ്തഫ (53) യാണ് ഞായറാഴ്ച വൈകുന്നേരം മരിച്ചത്. കഴിഞ്ഞ രണ്ടര പതിറ്റാണ്ടായി മുസ്തഫ പ്രവാസ ജീവിതം നയിച്ച് വരുന്നു.

യാംബുവിൽ വിസിറ്റിംഗ് വിസയിലെത്തിയിരുന്ന തന്റെ കുടുംബത്തെ നാട്ടിലേക്ക് തിരികെയെത്തിച്ച് ഒരാഴ്ച മുംബായിരുന്നു ഇദ്ദേഹം സൗദിയിലേക്ക് മടങ്ങിയെത്തിയത്.

ഞായറാഴ്ച രാവിലെ ദേഹാസ്വസ്ഥ്യം തോന്നിയ മുസ്തഫ മരുന്ന് വാങ്ങിയിരുന്നു. വൈകുന്നേരം ഡ്യൂട്ടിക്ക് പോകാനിരിക്കെയായിരുന്നു മരണം സംഭവിച്ചത്. അടുത്ത റൂമിലുള്ള സുഹൃത്ത് ഡ്യൂട്ടി കഴിഞ്ഞ് മടങ്ങിയെത്തിയപ്പോഴായിരുന്നു മുസ്തഫയെ മരിച്ച നിലയിൽ കണ്ടത്.

നേരത്തെ 18 വർഷം ജിദ്ദയിലുണ്ടായിരുന്നു. ഇപ്പോൾ പെയിന്റ് കമ്പനിയിൽ ക്വാളിറ്റി കണ്ട്രോളർ ആയി ജോലി ചെയ്ത് വരികയായിരുന്നു. ഭാര്യയും മൂന്ന് മക്കളുമുണ്ട്.

അറേബ്യൻ മലയാളി വാട്സാപ് ഗ്രൂപിൽ നിങ്ങൾക്കും അംഗമാകാം👇
https://hostinfoarabia.com/arabian_malayali_whatsapp_group_ksa

അറേബ്യൻ മലയാളി വാട്സാപ് ഗ്രൂപിൽ നിങ്ങൾക്കും അംഗമാകാം👇
https://hostinfoarabia.com/arabian_malayali_whatsapp_group_ksa