ഗൾഫ് രാജ്യങ്ങളിലെ ട്രാഫിക് നിയമ ലംഘനങ്ങൾ പരസ്പരം ബന്ധിപ്പിക്കും

ഗൾഫ് രാജ്യങ്ങളിലെ ഗതാഗത ലംഘനങ്ങളെ ബന്ധിപ്പിക്കുന്നതിനുള്ള വർക്കിംഗ് ഗ്രൂപ്പ്, ജിസിസി രാജ്യങ്ങളിലെ പൊതു ഗതാഗത വകുപ്പുകൾ തമ്മിലുള്ള ഗതാഗത നിയമലംഘനങ്ങളുടെ കൈമാറ്റം സജീവമാക്കുന്നതിനുള്ള ഏറ്റവും പുതിയ ഘട്ടങ്ങൾ ചർച്ച ചെയ്തു.

ജിസിസി രാജ്യങ്ങളിലെ അപകടങ്ങൾ കുറയ്ക്കുന്നതിനായി ട്രാഫിക് ഏജൻസികൾക്കിടയിൽ സ്റ്റാൻഡേർഡൈസേഷനും നടപടിക്രമങ്ങളുടെ കൈമാറ്റവും മെച്ചപ്പെടുത്തും.

ഇന്ന്, 2023 മാർച്ച് 7, ചൊവ്വാഴ്ച, വീഡിയോ കോൺഫറൻസ് വഴി നടന്ന വർക്കിംഗ് ഗ്രൂപ്പിന്റെ പത്തൊൻപതാം യോഗത്തിലാണ് ചർച്ചകൾ നടന്നത്.

ജിസിസി രാജ്യങ്ങൾ തമ്മിലുള്ള ഗതാഗത ലംഘനങ്ങളെ ബന്ധിപ്പിക്കുന്ന വിഷയത്തിൽ ജിസിസിയുടെ ആഭ്യന്തര മന്ത്രിമാരും ഉന്നത ഉദ്യോഗസ്ഥരും നടത്തിയ ചർച്ചയുടെ തുടർച്ചയായാണ് വർക്കിംഗ് ഗ്രുപ്പ് മീറ്റ് നടന്നത്.

ട്രാഫിക് നിയമ ലംഘനങ്ങൾ ലിങ്ക് ചെയ്‌താൽ പിന്നീട് ഒരു രാജ്യത്ത് പിഴയടക്കാനുണ്ടെങ്കിൽ അവിടെ നിന്ന് മുങ്ങി മറ്റൊരു ജിസിസി രാജ്യത്ത് പിഴയടക്കാതെ മുന്നോട്ട് പോകാൻ സാധിക്കില്ല എന്നുറപ്പാണ്.

അറേബ്യൻ മലയാളി വാട്സാപ് ഗ്രൂപിൽ നിങ്ങൾക്കും അംഗമാകാം👇
https://hostinfoarabia.com/arabian_malayali_whatsapp_group_ksa