ക്രിസ്റ്റ്യാനോ റൊണാൾഡോയുമായി ചേർന്ന് ലോകത്തിലെ ഏറ്റവും വലിയ ഫുട്ബോൾ വിനോദ പദ്ധതി ആരംഭിക്കാൻ റിയാദ് സീസൺ

റിയാദ് : അടുത്ത റിയാദ് സീസണിൽ ക്രിസ്റ്റ്യാനോ റൊണാൾഡോയുമായി ചേർന്ന് ലോകത്തിലെ ഏറ്റവും വലിയ ഫുട്ബോൾ വിനോദ പദ്ധതി ആരംഭിക്കുമെന്ന് ജനറൽ എൻ്റർടൈൻമെൻ്റ് അതോറിറ്റി ചെയർമാൻ തുർക്കി ആലു -ഷൈഖ് പ്രഖ്യാപിച്ചു.

റിയാദ് സീസൺ കപ്പിൻ്റെ ഭാഗമായി കഴിഞ്ഞ ദിവസം സൗദി തലസ്ഥാനത്തെ കിംഗ്ഡം അരീനയിൽ നടന്ന അൽ നസറും ഇൻ്റർ മിയാമിയും തമ്മിലുള്ള മത്സരത്തിന് മുമ്പായി നടത്തിയ പ്രസംഗത്തിലാണ് ഈ പ്രഖ്യാപനം.

അൽ അവ്വൽ പാർക്കിൻ്റെ വികസനത്തിനോ കിംഗ്‌ഡം അരീനയോട് സാമ്യമുള്ള പുതിയ സ്റ്റേഡിയം നിർമിക്കുന്നതിനോ വേണ്ടി അൽ നസർ ക്ലബ്ബുമായി പങ്കാളിത്തത്തിൽ ഏർപ്പെടാൻ ഞങ്ങൾ തയ്യാറാണെന്നും തുർക്കി ആലു -ഷൈഖ് കൂട്ടിച്ചേർത്തു.

വ്യാഴാഴ്‌ച നടന്ന ലോകം ഉറ്റു നോക്കിയ അൽനസ്ർ ഇന്റർമിയാമി മത്സരത്തിൽ ഇന്റർമിയെ അൽ നസ്ർ അര ഡസൻ ഗോളുകൾക്ക് തകർത്തത് സൗദി ഫുടബോൾ മേഖലക്ക് വലിയ നേട്ടമായാണ് വിലയിരുത്തപ്പെടുന്നത്.

അറേബ്യൻ മലയാളി വാട്സാപ് ഗ്രൂപിൽ നിങ്ങൾക്കും അംഗമാകാം👇
https://hostinfoarabia.com/arabian_malayali_whatsapp_group_ksa