ഹജ്ജ് വേളയിൽ ചില പർവത പ്രദേശങ്ങളിലെ ഉപരിതല താപനില 72 ഡിഗ്രിയിൽ എത്തിയേക്കുമെന്ന് മുന്നറിയിപ്പ്

മക്ക: വിശുദ്ധ സ്ഥലങ്ങളിലെ ചില പർവതപ്രദേശങ്ങളിൽ ഉപരിതല താപനില 72 ഡിഗ്രി സെൽഷ്യസ് വരെ ഉയരാൻ സാധ്യതയുള്ളതിനാൽ വിശുദ്ധ സ്ഥലങ്ങളിലെ ഉയർന്ന ഉപരിതല താപനിലയിൽ സമ്പർക്കം പുലർത്തുന്നതിൻ്റെ അപകടങ്ങളെക്കുറിച്ച് സൗദി ആരോഗ്യ മന്ത്രാലയം ഹജ്ജ് തീർഥാടകർക്ക് മുന്നറിയിപ്പ് നൽകി.

ദീർഘനേരം സൂര്യപ്രകാശം ഏൽക്കുന്നത് ആരോഗ്യത്തിന് വലിയ അപകടമുണ്ടാക്കുമെന്ന് മന്ത്രാലയം ഓർമ്മിപ്പിച്ചു.

ഈ വർഷത്തെ ഹജ്ജ് സീസണിൽ മക്കയിൽ ഉയർന്ന താപനിലയാണ് വരുന്നതെന്നും തീർഥാടകർ നേരിടുന്ന ഏറ്റവും വലിയ ബുദ്ധിമുട്ട് ഇതായിരിക്കുമെന്നും മന്ത്രാലയം  ചൂണ്ടിക്കാട്ടി. 

തീർഥാടകരോട് നേരിട്ട് സൂര്യപ്രകാശം ഏൽക്കാതിരിക്കാൻ കുടകൾ എപ്പോഴും ഉപയോഗിക്കാനും ദാഹം തോന്നിയില്ലെങ്കിൽ പോലും ദിവസം മുഴുവൻ ആവശ്യത്തിന് വെള്ളം കുടിക്കാനും MoH ആഹ്വാനം ചെയ്തു.

തീർഥാടകർ എല്ലാ ആരോഗ്യ നിർദേശങ്ങളും ഉപദേശങ്ങളും പാലിക്കണമെന്നും രാവിലെ 11 മുതൽ ഉച്ചകഴിഞ്ഞ് 3 വരെ തിരക്കുള്ള സമയങ്ങളിൽ പുറത്തിറങ്ങുന്നതും സൂര്യൻ്റെ കിരണങ്ങൾ നേരിട്ട് ഏൽക്കുന്നതും പ്രതലങ്ങളിൽ നടക്കുകയോ സ്പർശിക്കുകയോ ചെയ്യുന്നതും ഒഴിവാക്കണം എന്നും മന്ത്രാലയം ആവശ്യപ്പെട്ടു

അറേബ്യൻ മലയാളി വാട്സാപ് ഗ്രൂപിൽ നിങ്ങൾക്കും അംഗമാകാം👇
https://hostinfoarabia.com/arabian_malayali_whatsapp_group_ksa