സൗദിയിലെ വാദി ബേഷ് അണക്കെട്ട് തുറന്നു

ജിസാനിലെ ബേഷിൽ ഇന്ന് ജനറൽ ഓർഗനൈസേഷൻ ഫോർ ഇറിഗേഷൻ, വാദി “ബേഷ്” ഡാമിന്റെ ഗേറ്റുകൾ തുറന്നു. ഡാം തടാകത്തിലെ ജലനിരപ്പ് 117.7 ദശലക്ഷം ക്യുബിക് മീറ്ററായി കുറയ്ക്കാൻ ഇത് സഹായിക്കും.

അതോടൊപ്പം നിലവിലെ മഴയുടെ ഫലമായി ലഭിക്കുന്ന വെള്ളം ശേഖരിക്കലും കാർഷിക പ്രവർത്തനങ്ങളെ പിന്തുണയ്ക്കുന്നതിനും കൃഷിയിടങ്ങളിൽ ജലസേചനം നടത്തുന്നതിനും താഴ് വരയിലെ കിണറുകളെയും ഭൂഗർഭജലത്തെയും പരിപോഷിപ്പിക്കുന്നതിനും സസ്യങ്ങളുടെ ആവരണം വർദ്ധിപ്പിക്കുന്നതിനും ഇത് ഗുണം ചെയ്യും.

രാജ്യത്തെ ഏറ്റവും വലുതും ഉയരം കൂടിയതുമായ അണക്കെട്ടുകളിലൊന്നാണ്  വാദി ബേഷ് ഡാം, അതിലെ വെള്ളം ജസാൻ, അസിർ പ്രദേശങ്ങളിലെ പൗരന്മാർക്കും വിദേശികൾക്കും കുടിവെള്ളം ഉറപ്പാക്കാനായി ശുദ്ധീകരണ പ്ലാന്റുകളിലെത്തിക്കുന്നുണ്ട്.

അതേ സമയം ജിസാനിലെ വിവിധ സ്ഥലങ്ങളിൽ കനത്ത മഴയും വെള്ളപ്പൊക്കവും അനുഭവപ്പെട്ടു. തുടർച്ചയായ മഴയുടെ വെളിച്ചത്തിൽ, സിവിൽ ഡിഫൻസ് ജാഗ്രതാ നിർദ്ദേശം നൽകിയിട്ടുണ്ട്.

അറേബ്യൻ മലയാളി വാട്സാപ് ഗ്രൂപിൽ നിങ്ങൾക്കും അംഗമാകാം👇
https://hostinfoarabia.com/arabian_malayali_whatsapp_group_ksa