ഇന്ന് പുലർച്ചെ ഇസ്രായേൽ നടത്തിയ ആക്രമണത്തെ വിജയകരമായി പ്രതിരോധിച്ചുവെന്ന് ഇറാൻ

ഇന്ന് പുലർച്ചെ ടെഹ്റാനിലെ വിവിധ സൈനിക കേന്ദ്രങ്ങളിൽ ഇസ്രായേൽ നടത്തിയ ആക്രമണങ്ങളിൽ പരിമിതമായ നാശനഷ്ടങ്ങൾ മാത്രമാണ് ഉണ്ടായതെന്ന് ഇറാൻ.

ഇസ്രായേലിന്റെ മിസൈലുകളിൽ ഭൂരിഭാഗവും തങ്ങളുടെ വ്യോമ പ്രതിരോധ സംവിധാനം തകർത്തുവെന്നും, കാര്യമായ നാശനഷ്ടങ്ങൾ ഉണ്ടായില്ലെന്നും ഇറാൻ പറഞ്ഞു.

ഒക്ടോബർ ഒന്നിന് ഇസ്രയേലിനെതിരെ ഇറാൻ നടത്തിയ കനത്ത മിസൈൽ ആക്രമണത്തിന് മറുപടിയായിട്ടാണ് ഇറാനിലെ വിവിധ സൈനിക കേന്ദ്രങ്ങളിൽ ഇസ്രായേൽ ഇന്ന് പുലർച്ചെ ആക്രമണം നടത്തിയത്.

ഇനിയൊരു പുതിയ ആക്രമണം നടത്തിയാൽ അതിന് ഭാരിച്ച വില നൽകേണ്ടിവരുമെന്ന് ഇസ്രായേലി സൈന്യം ഇറാന് മുന്നറിയിപ്പ് നൽകി.

എന്നാൽ ഇറാൻ തിരിച്ചടിക്കാൻ ഒരുങ്ങുന്നതായി പേരു വെളിപ്പെടുത്താത്ത ഒരു ഇറാനിയന്‍ ഉദ്യോഗസ്ഥനെ ഉദ്ധരിച്ച് തസ്‌നിം ന്യൂസ് ഏജന്‍സി റിപ്പോര്‍ട്ട് ചെയ്തു.

അറേബ്യൻ മലയാളി വാട്സാപ് ഗ്രൂപിൽ നിങ്ങൾക്കും അംഗമാകാം👇
https://hostinfoarabia.com/arabian_malayali_whatsapp_group_ksa