ജിദ്ദ കിംഗ് അബ്ദുൽ അസീസ് ഇൻ്റർനാഷണൽ എയർപോർട്ടിന് പുതിയ റെക്കോഡ്

ജിദ്ദയിലെ കിംഗ് അബ്ദുൽ അസീസ് ഇൻ്റർനാഷണൽ എയർപോർട്ട് ഒരു ദിവസത്തെ യാത്രക്കാരുടെ എണ്ണത്തിൽ പുതിയ റെക്കോർഡ് കൈവരിച്ചതായി ജിദ്ദ എയർപോർട്ട് കമ്പനി അറിയിച്ചു.

2024 നവംബർ 6 ന് ബുധനാഴ്ച 161,000 യാത്രക്കാരാണ് എയർപോർട്ടിലെത്തിയതെന്ന് ജിദ്ദ എയർപോർട്ട്സ് വിശദീകരിച്ചു.

80,000 യാത്രക്കാർ എയർപോർട്ടിൽ വന്നിറങ്ങിയപ്പോൾ, 81,000 പേർ എയർപോർട്ടിൽ നിന്ന് യാത്ര ചെയ്തു. 132,000 ബാഗുകളാണ് ഇത്രയും യാത്രക്കാരുടേതായി എയർപോർട്ട് കൈകാര്യം ചെയ്തത്.

അതേസമയം ജിദ്ദ എയർപോർട്ടിലേക്ക് വരുന്നതും പുറപ്പെടുന്നതുമായ ഒരു ദിവസത്തെ മൊത്തം വിമാനങ്ങളുടെ എണ്ണം മണിക്കൂറിൽ ശരാശരി 34 പ്രകാരം 817 വിമാനങ്ങളാണ്.

അറേബ്യൻ മലയാളി വാട്സാപ് ഗ്രൂപിൽ നിങ്ങൾക്കും അംഗമാകാം👇
https://hostinfoarabia.com/arabian_malayali_whatsapp_group_ksa