സൗദിയിൽ നാല് കസ്റ്റംസ് ജീവനക്കാർ ഉൾപ്പെടെയുള്ള വൻ മയക്കുമരുന്ന് കടത്തു സംഘം അറസ്റ്റിൽ

രാജ്യത്തിന് പുറത്തുനിന്ന് മയക്കു മരുന്ന് കടത്തുന്ന, നാല് കസ്റ്റംസ് ജീവനക്കാരടങ്ങുന്ന ക്രിമിനൽ സംഘം സൗദിയിൽ സുരക്ഷാ സേനയുടെ പിടിയിലായി.

ഇവർക്ക് പുറമെ ആഭ്യന്തര മന്ത്രാലയത്തിലെ ഒരു ഉദ്യോസ്‌ഥനും ഒരു സൗദി ഇലക്ട്രിസിറ്റി ജീവനക്കാരനും ഉൾപ്പെടെയുള്ള 9 സ്വദേശികളാണ് അറസ്റ്റിലായത്.

ഒരു വിദേശ കള്ളക്കടത്ത് ശൃംഖല ഉപയോഗിച്ച് രാജ്യത്തേക്ക് കടത്തുന്ന മയക്കുമരുന്ന് ബാഗുകളിലാക്കി പരിശോധനക്ക് വിധേയമാക്കാതെ പുറത്തെത്തിക്കുകയായിരുന്നു സംഘത്തിന്റെ രീതി.

പിന്നീട് ഇത് പ്രത്യക സ്ഥലങ്ങളിലും വീടുകളിലും ഒളിപ്പിച്ച് വിൽപ്പന നടത്തുകയായിരുന്നു എന്ന് ആഭ്യന്തര മന്ത്രാലയം വിശദീകരിച്ചു.

രാജ്യത്തിൻ്റെ സുസ്ഥിരതയും അതിലെ പൗരന്മാരുടെയും വിദേശികളുടെയും സുരക്ഷയും നശിപ്പിക്കാൻ ധൈര്യപ്പെടുന്ന ആരെയും സുരക്ഷാ അധികാരികൾ നേരിടുമെന്ന് ആഭ്യന്തര മന്ത്രാലയം പ്രഖ്യാപിച്ചു.

അറേബ്യൻ മലയാളി വാട്സാപ് ഗ്രൂപിൽ നിങ്ങൾക്കും അംഗമാകാം👇
https://hostinfoarabia.com/arabian_malayali_whatsapp_group_ksa