ഹിസ്ബുള്ളയുടെ റോക്കറ്റ് ആക്രമണത്തിൽ ടെൽ അവീവ് നഗരത്തിൽ തീ ആളിപ്പടർന്നു; ഒരു മരണം, നിരവധി പേർക്ക് പരിക്ക് – വീഡിയോ

ഹിസ്ബുള്ളയുടെ റോക്കറ്റ് ആക്രമണത്തിൽ ഇസ്രായേലിൽ ഒരു സ്ത്രീ കൊല്ലപ്പെടുകയും നിരവധി പേർക്ക് പരിക്കേൽക്കുകയും ചെയ്തതായി ഇസ്രായേൽ സൈന്യം അറിയിച്ചു.

റോക്കറ്റുകളിലൊന്ന് പ്രധാന നഗരമായ ടെൽ അവീവിൽ പതിച്ചു. അടിയന്തര മുന്നറിയിപ്പ് സൈറൺ മുഴങ്ങിയതിന് പിന്നാലെ നഗരമധ്യത്തിൽ വലിയ തീ ആളിപ്പടരുകയായിരുന്നു.

തീ ഇപ്പോഴും കത്തിക്കൊണ്ടിരിക്കുകയാണെന്നും ഫയർ ഫോഴ്‌സ് തീയണക്കാൻ ശ്രമിച്ചുകൊണ്ടിരിക്കുകയാണെന്നും ഇസ്രായേൽ മാധ്യമങ്ങൾ റിപ്പോർട്ട് ചെയ്തു.

ടെൽ അവീവിനു കിഴക്കുള്ള ബ്നെ ബ്രാക്കിൽ ഒരു ബസിൽ റോക്കറ്റ് ഇടിച്ചതായി ഇസ്രായേൽ മാധ്യമം റിപ്പോർട്ട് ചെയ്തു.

ബെൻ ഗുറിയോൺ വിമാനത്താവളത്തിലെ വ്യോമഗതാഗതവും താൽക്കാലികമായി നിർത്തിവച്ചു. രാജ്യത്തിൻ്റെ വടക്ക് ഭാഗത്തുള്ള ഹൈഫ നഗരത്തിലും മുന്നറിയിപ്പ് സൈറണുകൾ മുഴങ്ങി

അറേബ്യൻ മലയാളി വാട്സാപ് ഗ്രൂപിൽ നിങ്ങൾക്കും അംഗമാകാം👇
https://hostinfoarabia.com/arabian_malayali_whatsapp_group_ksa