സൗദിയിൽ നികുതികൾ ഏർപ്പെടുത്തിയത് വേദനാജനകമായ തീരുമാനങ്ങളായിരുന്നുവെങ്കിലും ലക്ഷ്യം വലുതായിരുന്നുവെന്ന് ധനമന്ത്രി

റിയാദ്: സാമ്പത്തിക സുസ്ഥിരതയാണ് ആഗ്രഹിക്കുന്ന സാമ്പത്തിക വൈവിധ്യവൽക്കരണം കൈവരിക്കുന്നതിനുള്ള അടിസ്ഥാനമെന്ന് സൗദി ധനകാര്യ മന്ത്രി മുഹമ്മദ് അൽ ജദാൻ പറഞ്ഞു.

ബുധനാഴ്ച റിയാദിൽ നടന്ന “സൗദി ബജറ്റ് 2025” ഫോറത്തിൽ സംസാരിക്കവെ, സാമ്പത്തിക പരിഷ്‌കാരങ്ങളുടെ സമാരംഭത്തിൽ സബ്‌സിഡികൾ കുറയ്ക്കുക, മൂല്യവർധിത നികുതി, സെലക്ടീവ് ടാക്‌സ് എന്നിവ നടപ്പിലാക്കുക തുടങ്ങിയ “വേദനാജനകമായ” തീരുമാനങ്ങൾ ഉൾപ്പെട്ടിരുന്നുവെങ്കിലും സമ്പദ്‌വ്യവസ്ഥയ്ക്ക് അവയെ മറികടക്കാൻ കഴിഞ്ഞുവെന്നും  മറ്റ് സമ്പദ്‌വ്യവസ്ഥകളിൽ അവ ആഘാതങ്ങൾ സൃഷ്ടിച്ചിരിക്കാമെന്നും അദ്ദേഹം പറഞ്ഞു.

ഈ പരിഷ്‌കാരങ്ങളുടെ ലക്ഷ്യം നികുതിയും ഫീസും ചുമത്തുകയല്ല, മറിച്ച് പൊതു ധനകാര്യങ്ങൾ സമ്പദ്‌വ്യവസ്ഥയെ സുസ്ഥിരമായി പിന്തുണയ്ക്കാൻ കഴിയുന്ന ഒരു ഘട്ടത്തിലെത്തുക എന്നുള്ളതാണെന്ന് അൽ-ജദ് ആൻ ഊന്നിപ്പറഞ്ഞു.

“നമ്മൾ നിലവിൽ 472 ബില്യൺ റിയാൽ മൂല്യമുള്ള എണ്ണ ഇതര വരുമാനത്തിൽ എത്തിയിട്ടുണ്ട്, നിലവിലെ വലിയ സാമ്പത്തിക വൈവിധ്യവൽക്കരണം ഇല്ലെങ്കിൽ ഇത് സംഭവിക്കില്ലായിരുന്നു,”- മന്ത്രി കൂട്ടിച്ചേർത്തു.
 

അറേബ്യൻ മലയാളി വാട്സാപ് ഗ്രൂപിൽ നിങ്ങൾക്കും അംഗമാകാം👇
https://hostinfoarabia.com/arabian_malayali_whatsapp_group_ksa