യുഎഇ യിൽ ചെറുവിമാനം തകർന്ന് വീണ് ഇന്ത്യൻ ഡോക്ടറും പാകിസ്ഥാൻകാരിയായ പൈലറ്റും മരിച്ചു

യുഎഇയിലെ റാസൽഖൈമ തീരത്ത് ചെറുവിമാനം തകർന്ന് വീണ് വിമാനത്തിൻ്റെ പൈലറ്റും സഹയാത്രികനും മരിച്ചു.

അൽ ജസീറ എയർ സ്‌പോർട്‌സ് ക്ലബ്ബിൻ്റെ വിമാനമാണ് അപകടത്തിൽ പെട്ടതെന്ന് ജനറൽ സിവിൽ ഏവിയേഷൻ അതോറിറ്റി (ജിസിഎഎ) അറിയിച്ചു.

26 കാരനായ ഇന്ത്യൻ ഡോക്ടർ സുലൈമാൻ അൽ മജീദും, 29 വയസ്സുള്ള പാകിസ്ഥാൻ സ്വദേശിനിയായ വനിതാ പൈലറ്റുമാണ് മരിച്ചത്.

സംഭവത്തെക്കുറിച്ച് എയർ ആക്സിഡൻ്റ് ഇൻവെസ്റ്റിഗേഷൻ സെക്ടറിന് ഞായറാഴ്ച റിപ്പോർട്ട് ലഭിച്ചതായി ജിസിഎഎ അറിയിച്ചു. തകർച്ചയുടെ കാരണം കണ്ടെത്താൻ ഉടൻ അന്വേഷണം ആരംഭിച്ചു.

ഡോ. സുലൈമാൻ കാഴ്ചകൾ കാണാനായി വിമാനം വാടകക്കെടുത്തതായിരുന്നു. ഇദ്ദേഹത്തിന്റെ പിതാവും, മതവും, ഇളയ സഹോദരനും ഉൾപ്പെടെയുള്ള കുടുംബം ഈ അനുഭവം കാണാൻ ഏവിയേഷൻ ക്ലബിൽ ഉണ്ടായിരുന്നു.

ആദ്യം, വിമാനത്തിന്റെ റേഡിയോ ബന്ധം നഷ്ടപ്പെട്ടുവെന്നും പിന്നീട് അത് എമർജൻസി ലാൻഡിംഗ് നടത്തിയെന്നും യാത്രക്കാരെ ആശുപത്രിയിലേക്ക് കൊണ്ടുപോയെന്നുമാണ് വിമാനക്കമ്പനി കുടുംബങ്ങളെ അറിയിച്ചത്.

കുടുംബാംഗങ്ങൾ ആശുപത്രിയിൽ എത്തിയപ്പോഴേക്കും സുലൈമാൻ മരണപ്പെട്ടിരുന്നതായി ഇദ്ദേഹത്തിന്റെ പിതാവ് അറിയിച്ചു. സുലൈമാൻ്റെ ഇളയ സഹോദരൻ അടുത്ത വിമാനത്തിൽ പോകാനിരിക്കെയായിരുന്നു അപകടം സംഭവിച്ചത്.

അറേബ്യൻ മലയാളി വാട്സാപ് ഗ്രൂപിൽ നിങ്ങൾക്കും അംഗമാകാം👇
https://hostinfoarabia.com/arabian_malayali_whatsapp_group_ksa