സൗദിയിൽ അനധികൃതമായി മണൽ കടത്തിയ മൂന്ന് പ്രവാസികൾ അറസ്റ്റിൽ

സൗദിയിൽ ഔദ്യോഗിക ലൈസൻസ് ലഭിക്കാതെ മണ്ണ് ചൂഷണം ചെയ്ത് പരിസ്ഥിതി വ്യവസ്ഥ ലംഘിച്ചതിന് മൂന്ന് പ്രവാസികൾ അറസ്റ്റിൽ.

ഹായിൽ മേഖലയിലെ ജനറൽ ഡയറക്ടറേറ്റ് ഓഫ് മുജാഹിദീൻ പട്രോളിംഗ് സംഘമാണ് മണൽ കടത്തുന്നതിനിടെ ഇവരെ അറസ്റ്റ് ചെയ്തത്.

മണ്ണ് ഖനനവും മണൽ കടത്തുന്നതുമായി ബന്ധപ്പെട്ട് പ്രവർത്തിച്ചിരുന്ന ഇവരെ പട്രോളിംഗ് സംഘം നിരീക്ഷിക്കുകയും ഒടുവിൽ അറസ്റ്റ് ചെയ്യുകയുമായിരുന്നു.

പിടികൂടിയ മൂന്ന് പേരെയും പതിവ് നടപടിക്രമങ്ങൾക്ക് ശേഷം യോഗ്യതയുള്ള അതോറിറ്റിക്ക് റഫർ ചെയ്തതായി സംഘം അറിയിച്ചു.

സൗദിയിൽ പരിസ്ഥിതി നിയമ ലംഘനത്തിന്റെ പേരിൽ നിരവധി പേരാണ് ഓരോ ആഴ്ചയും പ്രത്യേക പട്രോളിംഗ് സംഘത്തിന്റെ പിടിയിലാകുന്നത്.

അവശിഷ്ടങ്ങൾ കത്തിച്ചതിനും, കോൺക്രീറ്റ് സാമഗ്രികൾ ഇറക്കി മണ്ണിന് കേടുപാട് വരുത്തി എന്ന കേസിലും കഴിഞ്ഞ മാസം ഇന്ത്യക്കാർ അറസ്റ്റിലായിരുന്നു.

പരിസ്ഥിതിക്കും വന്യജീവികൾക്കും നേരെയുള്ള ആക്രമണത്തെ പ്രതിനിധീകരിക്കുന്ന ഏതെങ്കിലും ലംഘനങ്ങൾ ശ്രദ്ധയിൽ പെട്ടാൽ അറിയിക്കണമെന്ന് ഡയറക്ടറേറ്റ് ജനങ്ങളോട് അഭ്യർത്ഥിച്ചു.

മക്ക മേഖല, റിയാദ്, കിഴക്കൻ പ്രവിശ്യ എന്നിവിടങ്ങളിലെ 911 എന്ന നമ്പർ വഴിയും, രാജ്യത്തിൻറെ മറ്റു പ്രദേശങ്ങളിൽ 999, 996 എന്ന നമ്പറിലും വിളിച്ച് അറിയിക്കാമെന്ന് മുജാഹിദീൻ ജനറൽ അഡ്മിനിസ്ട്രേഷൻ പൗരന്മാരോടും താമസക്കാരോടും ആവശ്യപ്പെട്ടു

അറേബ്യൻ മലയാളി വാട്സാപ് ഗ്രൂപിൽ നിങ്ങൾക്കും അംഗമാകാം👇
https://hostinfoarabia.com/arabian_malayali_whatsapp_group_ksa