റഹീം കേസ് വീണ്ടും മാറ്റിവെച്ചു
റിയാദ്: സൗദി ബാലൻ കൊല്ലപ്പെട്ട കേസിൽ കഴിഞ്ഞ18 വർഷമായി റിയാദിലെ ജയിലിൽ കഴിയുന്ന കോഴിക്കോട് ഫറോക്ക് കോടമ്പുഴ സ്വദേശി അബ്ദുൽ റഹീമിന്റെ കേസ് റിയാദ് കോടതി ആറാം തവണയും മാറ്റിവെച്ചു.
ഇന്ന് (ബുധനാഴ്ച) രാവിലെ റിയാദ് ക്രിമിനൽ കോടതിയിൽ കേസ് സിറ്റിങ് ഒരു മണിക്കൂറിലേറെ നീണ്ടു നിന്നിരുന്നു.
ഓൺലൈൻ സിറ്റിങ്ങിൽ ജയിലിൽനിന്ന് അബ്ദുൽ റഹീമും റഹീമിന്റെ അഭിഭാഷക സംഘവും ഇന്ത്യൻ എംബസി ഉദ്യോഗസ്ഥൻ യൂസഫ് കാക്കാഞ്ചേരിയും സഹായ സമിതി സ്റ്റിയറിങ് കമ്മിറ്റി അംഗങ്ങളുമെല്ലാം സന്നിഹിതരായിരുന്നു.
ഇന്ന് നടപടികൾ ഒരു തീർപ്പിലെത്തും എന്ന പ്രതീക്ഷയുണ്ടായിരുന്നെങ്കിലും കേസ് മാറ്റിവെക്കുന്നതായ അറിയിപ്പായിരുന്നു ഒടുവിൽ വന്നത്.
അറേബ്യൻ മലയാളി വാട്സാപ് ഗ്രൂപിൽ നിങ്ങൾക്കും അംഗമാകാം👇
https://hostinfoarabia.com/arabian_malayali_whatsapp_group_ksa
