സൗദിയിൽ ഈ വർഷത്തെ റമദാൻ-ഈദ് ഓഫർ ഫെബ്രുവരി 9 ന് ആരംഭിക്കും

സൗദിയിലെ വാണിജ്യ സ്ഥാപനങ്ങളിൽ ഈ വർഷത്തെ റമദാൻ-ഈദ് ഡിസ്‌കൗണ്ട് ഓഫറുകൾ ഷഅബാൻ 10 (ഫെബ്രുവരി 9) ന് ആരംഭിക്കുമെന്ന് വാണിജ്യ മന്ത്രാലയം പ്രഖ്യാപിച്ചു.

നേരത്തെയുള്ള ഷോപ്പിംഗിനെ പ്രോത്സാഹിപ്പിക്കുന്നതിനും അവസാന നിമിഷത്തെ ഷോപ്പിംഗ് തിരക്ക് ഒഴിവാക്കുന്നതിനുമായി സീസണൽ ഡിസ്‌കൗണ്ട് ശവ്വാൽ 5 (ഏപ്രിൽ 3) വരെ തുടരും.

വാണിജ്യ സ്ഥാപനങ്ങൾക്കും ഓൺലൈൻ സ്‌റ്റോറുകൾക്കും ഡിസ്‌കൗണ്ട് ലൈസൻസുകൾക്കായി ഇപ്പോൾ sales.mc.gov.sa എന്ന ലിങ്ക് വഴി അപേക്ഷിക്കാം.

ഇത് സ്ഥാപനങ്ങൾക്കും ഓൺലൈൻ സ്റ്റോറുകൾക്കും എളുപ്പത്തിൽ ലൈസൻസുകൾ നേടാനും പ്രിൻ്റ് ചെയ്യാനും ഉപഭോക്താവിനെ കാണിക്കാനും സഹായിക്കുന്നു.

ഉപഭോക്താവിന് ഡിസ്കൗണ്ട് ലൈസൻസിൽ ദൃശ്യമാകുന്ന ബാർകോഡ് മൊബൈൽ ക്യാമറ ഉപയോഗിച്ച് സ്കാൻ ചെയ്തുകൊണ്ട് ഡിസ്കൗണ്ടുകളുടെ ക്രമവും സാധുതയും വിലയിരുത്താം.

ഡിസ്കൗണ്ടുകളുമായി ബന്ധപ്പെട്ട അടിസ്ഥാന വിവരങ്ങൾക്ക് പുറമെ ഓഫറുകളുടെ തരവും, ശതമാനവും, ദൈർഘ്യവും പരിശോധിക്കാൻ കഴിയും.

ഓഫറുകളുടെ ക്രമം പരിശോധിക്കുന്നതിനും രാജ്യത്തിൻ്റെ എല്ലാ പ്രദേശങ്ങളിലും അവ നിരീക്ഷിക്കുന്നതിനുമായി വാണിജ്യ സ്ഥാപനങ്ങളുടെ പരിശോധനാ ടൂറുകൾ തുടരുന്നതായി മന്ത്രാലയം സ്ഥിരീകരിച്ചു.

അറേബ്യൻ മലയാളി വാട്സാപ് ഗ്രൂപിൽ നിങ്ങൾക്കും അംഗമാകാം👇
https://hostinfoarabia.com/arabian_malayali_whatsapp_group_ksa