സൗദി അറേബ്യയിൽ തൊഴിൽ നിയമത്തിലെ പുതിയ ഭേദഗതികൾ നാളെ മുതൽ പ്രാബല്യത്തിൽ വരും

February 18, 2025 Web Desk

സൗദിയിൽ സ്വകാര്യ മേഖലയുടെ ആവശ്യങ്ങൾ നിറവേറ്റുന്നതിനായി തൊഴിൽ നിയമത്തിൽ വരുത്തിയ ഭേദഗതികൾ നാളെ മുതൽ (ബുധനാഴ്ച) പ്രാബല്യത്തിൽ വരുമെന്ന് സൗദി മാനവ വിഭവശേഷി, സാമൂഹിക വികസന മന്ത്രാലയം പ്രഖ്യാപിച്ചു.

തൊഴിൽ സ്ഥിരത വർദ്ധിപ്പിക്കുന്നതിനും തൊഴിൽ വിപണിയുടെ കാര്യക്ഷമത വർദ്ധിപ്പിക്കുകയും ചെയ്യുക എന്ന ലക്ഷ്യത്തോടെയാണ് തൊഴിൽ നിയമത്തിൽ ഭേദഗതികൾ വരുത്തിയത്.

പുതിയ ഭേദഗതികളിൽ സിസ്റ്റത്തിലെ 38 ആർട്ടിക്കിളുകൾ ഭേദഗതി ചെയ്യുന്നതും 7 ആർട്ടിക്കിളുകൾ നീക്കം ചെയ്യുന്നതും രണ്ട് പുതിയ ആർട്ടിക്കിളുകൾ ചേർക്കുന്നതും ഉൾപ്പെടുന്നു.

പുതിയ ബേദഗതി, തൊഴിൽ വിപണിയിൽ കക്ഷികൾ തമ്മിലുള്ള കരാർ ബന്ധം വികസിപ്പിക്കുന്നതിനും, അവരുടെ അവകാശങ്ങൾ ഉറപ്പുനൽകുന്നതിനും കൂടുതൽ ആകർഷകവും സുസ്ഥിരവുമായ തൊഴിൽ അന്തരീക്ഷം സൃഷ്ടിക്കുന്നതിനും സഹായിക്കുമെന്നാണ് കരുതുന്നത്.

മന്ത്രിസഭാ തീരുമാനത്തിന് അനുസൃതമായി, ഭേദഗതികൾ നാളെ പ്രാബല്യത്തിൽ വരുന്നതിനോടനുബന്ധിച്ച് എക്സിക്യൂട്ടീവ് നിയന്ത്രണങ്ങളും മറ്റ് പ്രസക്തമായ നിയന്ത്രണങ്ങളും പുറപ്പെടുവിക്കുമെന്നും മന്ത്രാലയം വിശദീകരിച്ചു.

ദേശീയ സമ്പദ്‌വ്യവസ്ഥയുടെ വളർച്ച വർദ്ധിപ്പിച്ചും, തൊഴിലവസരങ്ങൾ വർദ്ധിപ്പിച്ചും, വികസനത്തിന് സ്വകാര്യ മേഖലയുടെ സംഭാവനയെ പിന്തുണച്ചും രാജ്യത്തിന്റെ വിഷൻ 2030 ന്റെ ലക്ഷ്യങ്ങൾ കൈവരിക്കുന്നതിനുള്ള നിരന്തരമായ ശ്രമങ്ങളുടെ ചട്ടക്കൂടിനുള്ളിലാണ് ഈ ഭേദഗതികൾ വരുന്നതെന്ന് മന്ത്രാലയം ഊന്നിപ്പറഞ്ഞു.

പ്രധാനപ്പെട്ട എട്ട് ഭേദഗതികളും ഭേദഗതി ബാധകമല്ലാത്തവർ ആരെല്ലാമെന്നും അറിയാം