ട്രാഫിക് പിഴ; ഇളവ് ആനുകൂല്യത്തിന്റെ സമയപരിധി ഓർമ്മപ്പെടുത്തി സൗദി മുറൂർ

റിയാദ്: ഗതാഗത നിയമലംഘന പിഴകൾക്ക് ഇളവ് ലഭിക്കുന്നതിന്റെ സമയ പരിധി ഓർമ്മിപ്പിച്ച് സൗദി മുറൂർ.

ഗതാഗത നിയമ ലംഘനങ്ങൾക്ക് 50% ഇളവ് എന്ന ആനുകുല്യം ഏപ്രിൽ 18 ന് ആണ് അവസാനിക്കുക എന്നാണ് മുറൂർ വ്യക്തമാക്കിയത്.

നിശ്ചിത കാലയളവ് അവസാനിക്കുന്നതിന് മുമ്പ് കിഴിവ് ആനുകൂല്യ പ്രയോജനം നേടാനും മുറൂർ ഗുണഭോക്താക്കളോട് ആഹ്വാനം ചെയ്തു.

അതേ സമയം പിഴകളിൽ ഇളവ് നൽകുന്നത് 4 നിയമ ലംഘനങ്ങൾക്ക് ബാധകമാകില്ല എന്നും മുറൂർ ഓർമ്മിപ്പിക്കുന്നു. അവ താഴെ കൊടുക്കുന്നു.

ഡ്രിഫ്റ്റിംഗ്, ലഹരി ഉപയോഗിച്ചുള്ള ഡ്രൈവിംഗ്, പരമാവധി വേഗത 120 km /h  ഉള്ള റോഡുകളിൽ വേഗത പരിധിക്കപ്പുറം 50 കിലോമീറ്ററും കവിയുക, കൂടാതെ പരമാവധി വേഗത 140 km/h ഉള്ള റോഡുകളിൽ വേഗത പരിധിക്കപ്പുറം 30 km/h-ൽ കൂടുതൽ കവിയുക എന്നിവയാണ്‌ ഇളവ് ലഭിക്കാത്ത നാലു നിയമ ലംഘനങ്ങൾ.

അറേബ്യൻ മലയാളി വാട്സാപ് ഗ്രൂപിൽ നിങ്ങൾക്കും അംഗമാകാം👇
https://hostinfoarabia.com/arabian_malayali_whatsapp_group_ksa